“2023 дәниз тәһлүкәсизлик кәмәри” бирҝә тәлиминин әсас мәрһәләси јахын ҝүнләрдә кечириләҹәк. Бу тәлимдә Иран Ислам Республикасынын вә Ислам Ингилабы Кешикчиләри Корпусунун Һәрби Дәниз Гүввәләринин бөлмәләри, һабелә Чин вә Русија Һәрби Дәниз Гүввәләринин ҝәмиләри чәршәнбә ҝүнү Иран Ислам Республикасынын әрази суларына дахил олублар.
“Ҹһина Маил” сајты бу контекстдә јазыб ки, Оман дәнизиндә Чин, Иран вә Русија дахил олмагла өлкәләрин бирҝә кечирдији тәлимин дүнјанын диҝәр реҝионларындакы вәзијјәтлә һеч бир әлагәси јохдур. Бу тәлим иштиракчы өлкәләрин реҝионда сүлһ вә сабитлији горумаг истәјини ҝөстәрир.
Чинин Мүдафиә Назирлији дә чәршәнбә ҝүнү елан едиб ки, Чин, Иран, Русија вә диҝәр өлкәләрин донанмасы ҝәлән чәршәнбә ҝүнүндән базар ҝүнүнә кими “2023 Дәниз Тәһлүкәсизлик Кәмәри “ бирҝә тәлимини кечирәҹәкләр. Чин бу тәлимдә иштирак етмәк үчүн өзүнүн “Наннинг” ракет есминесини ҝөндәриб. Есминес һавада ахтарыш, дәниздә хиласетмә кими тәлимләрдә иштирак едәҹәк.
“Тсинҝһуа” Университетинин Стратежи вә Тәһлүкәсизлик Мәркәзинин али дәрәҹәли үзвү вә Орду Һәрби Елмләр Академијасынын бејнәлхалг һәрби әлагәләр үзрә тәдгигатчысы Зһубо билдириб ки, мүнтәзәм механизмә чеврилән бу бирҝә тәлимин Оман көрфәзиндә дәниз тәһлүкәсизлијинә өз төһвәсини верәҹәјини билдириб. Чин һәмчинин билдириб ки, бирҝә дәниз тәлими бирҝә мүдафиә әмәкдашлығынын бир һиссәсидир вә һеч бир реҝионал вәзијјәтлә ја да дүнјада һәр һансы үчүнҹү тәрәфлә әлагәли дејил.
Һәрби аналитик әлавә едиб ки, бу тәлим Чинин јүксәк әһәмијјәт кәсб едән реҝионда сүлһ вә сабитлији горумаг үчүн ҝүҹлү ирадәсини ҝөстәрир. О дејиб: "Оман дәнизи Һөрмүз боғазы васитәсилә Фарс көрфәзинә бағлыдыр вә дүнјанын бир чох бөјүк нефт истеһсалчыларынын мәркәзинә чеврилиб"
Диҝәр чинли аналитик дејир ки, дәниз тәлимләри адәтән еһтимал олунан дүшмәнләрә гаршы һәрби тәлимләр кечирән Чин вә Гәрб һәрби алјансы арасында интеллектуал фәргләри ҝөстәрир. Онун нәзәринҹә тез-тез һипотетик дүшмәнләрлә тәлимләр кечирән Гәрб һәрби алјансындан фәргли олараг, Чин вә диҝәр иштиракчы өлкәләр бирҝә һәрби тәлимләрдә даим глобал вә реҝионал сабитлијин горунмасына даһа да диггәт јетирирләр.
342/