Әһли-Бејт (ә) Хәбәр Аҝентлији

мәнбә : ABNA24
cümə

17 mart 2023

07:18:46
1352711

АБШ хариҹи ишләр назиринин Әр-Ријадла Теһран анлашмасына реаксијасы

Иран Ислам Республикасы илә Сәудијјә Әрәбистаны арасында разылашмадан бир нечә ҝүн сонра, нәһајәт ки, Америка Бирләшмиш Штатларынын дөвләт катиби “Антони Блинкен” бу разылашмаја мүнасибәт билдирди.

Блинкен Ефиопијаја сәфәри заманы Әддис-Әбәбә Университетиндә кечирдији мәтбуат конфрансында Теһран вә Әр-Ријад арасында әлагәләрин бәрпасы илә бағлы никбинликлә гаршыландығыны билдириб.

Бунун елә дә нараһатыг доғурмадығыны дејән АБШ хариҹи ишләр назири јенә дә Иранын өз өһдәликләрини јеринә јетирәҹәјинә шүбһә илә јанашдығыны билдирәрәк дејиб ки : “Әҝәр бу разылашма һәгигәтән реаллашарса вә хүсусән дә Иран үзәринә ҝөтүрдүјү өһдәликләри јеринә јетирәрсә, бу даһа бир мүсбәт аддым олаҹагдыр”.

О, сонра сөзүнүн давамында: "Бизим нәзәримизҹә ҝәрҝинлијин азалдылмасына, мүнагишәнин гаршысынын алынмасына вә Иранын һәр һансы сабитлији позан һәрәкәтләринин гаршысынын алынмасына көмәк едә биләҹәк һәр шејин даһа јахшы олаҹағыны" дејиб.

АБШ дөвләт катиби һәмчинин Теһран вә Әр-Ријад арасында әлагәләрин бәрпасында Чинин ролуна ишарә едәрәк дејиб ки: Дүшүнүрәм ки, өлкәләрин өз дахили имканлары шәрчивәсиндә аддым атмалары вә тәһлүкәсизлијин тәмини, еләҹә дә сүлһүн бәргәрары үчүн гаршылыглы әлагәләрин даһа да јахшылашмасына мәсулијјәтлә јанашмалары арзу едилән олаҹагдыр.

Бундан өмҹә исә, елә бу һәфтәнин чәршәнбә ахшамы Ағ Евин Милли Тәһлүкәсизлик Шурасынын мәтбуат катиби “Ҹон Корби” Теһран вә Әр-Ријад арасында разылашма илә бағлы чыхышында демишди ки: “Биз үмид едирик ки, Теһран вә Әр-Ријад арасында разылашма Јәмәнин Сәудијјә Әрәбистаны торпагларына гаршы һүҹумлары дајандырмасына вә беләликлә мүһарибәнин сонланмасына сәбәб олаҹаг.”

342/