2023-ҹү ил дәниз тәһлүкәсизлик кәмәри бирҝә тәлиминин мәтбуат катиби, Һәрби Дәниз Гүввәләринин адмиралы “Мустафа Таҹәтдини” билдириб ки: Иран Ислам Республикасы Һәрби Дәниз Гүввәләри вә Ислам Ингилабы Кешикчиләри Корпусунун Һәрби Дәниз Гүввәләринин јерүстү вә учуш бөлмәләри илә јанашы, Чин вә Русија дәниз гүввәләринин бирликләри дә бу тәлимдә иштирак едир. Тәлим бу ҝеҹә сон саатларда Һинд океанынын шимал бөлҝәсиндә Иран, Чин вә Русија дәниз гүввәләринин јерүстү вә учуш бөлмәләринин иштиракы илә башлајаҹаг.
Икинҹи адмирал Таҹәддини даһа сонра билдириб ки: Бу, Иран, Чин вә Русијанын иштиракы илә кечириләҹәк вә ҝәләҹәкдә дә давам едәҹәк дөрдүнҹү бирҝә тәлимдир. “2023 дәниз тәһлүкәсизлик кәмәри” бирҝә маневри, “сүлһ вә тәһлүкәсизлик јаратмаг үчүн бирликдә” шүары илә вә 17 мин квадрат километр әразидә сүлһ вә достлуг месажы илә кечириләҹәк.
“2023 дәниз тәһлүкәсизлик кәмәри” бирҝә тәлиминин сөзчүсү билдириб: Бу тәлим Һинд океанынын шималында әввәлҹәдән мүәјјән едилмиш план үзрә кечириләҹәк вә бу тәлимин кечирилмәсиндә мәгсәд үч өлкә арасындакы сых әлагәни нүмајиш етдирмәк вә бу өлкәләрин глобал сүлһү, дәниз тәһлүкәсизлијини бирҝә дәстәкләмәклә ҝәләҹк имканлары дәјәрләндирәҹәк бирҝә дәниз донанмасы јаратмаг вә беләҹә реҝионда тәһлүкәсизлик вә онун әсасларыны мөһкәмләндирмәк вә ики өлкә арасында чохтәрәфли әмәкдашлығы ҝенишләндирмәкдир.
Контр-адмирал Таҹәддини даһа сонра чыхышында дејиб: Бу тәлимдә мүхтәлиф тактики тәлимләр, о ҹүмләдән јанан ҝәминин хилас едилмәси, гачырылан ҝәминин азад едилмәси, конкрет һәдәфләрә гаршы атәш, һава һәдәфләринә ҝеҹә атәши вә диҝәр тактики вә диҝәр әмәлијјат тәлимләри нәзәрдә тутулуб. Һәмчинин бу тәлимин мәгсәдләри сырасына Бејнәлхалг дәниз тиҹарәтинин тәһлүкәсизлијинин ҝүҹләндирилмәси, дәниз гулдурлуғу вә дәниз терроризми илә мүбаризә, һуманитар тәдбирләр, дәниздә хиласетмә вә гуртарма саһәсиндә мәлумат мүбадиләси, әмәлијјат-тактики тәҹрүбә мүбадиләсини дә гејд етмәк олар.
342/