Әһли-Бејт (ә) Хәбәр Аҝентлији

мәнбә : ABNA24
cümə

17 mart 2023

07:14:45
1352705

Биз Русија илә мүнагишә ахтармырыг

АБШ ордусунун Бирләшмиш Гәрарҝаһ Рәисләр Комитәсинин башчысы Гара дәниз сәмасында Америка пилотсуз тәјјарәсинин кечирдији гәзаја мүнасибәтиндә дејиб ки, биз Русија илә мүнагишә ахтармырыг.

АБШ Ордусунун Бирләшмиш Гәрарҝаһ Рәиси Марк Миллеј мүдафиә назири Ллојд Аустин илә Вашингтонда кечирдији бирҝә мәтбуат конфрансында билдириб ки, Русија ағыр итҝиләрлә үзләшмәсинә бахмајараг Бахмут истигамәтиндә ирәлиләјишә наил олуб. Русија президентинин Украјна илә бағлы аддымларыны өнҹәдән тәјин етмәк һеч дә мүмкүн дејил.

Јүксәк рүтбәли америкалы мәмур Гара дәниз сәмасында Америка пилотсуз тәјјарәсинин кечирдији гәзанын сәбәбилә бағлы дејиб ки: Биз Русија илә мүнагишә ахтармырыг вә бејнәлхалг һава мәканында јалныз өз мәнафејимизи ҝүдүрүк.

АБШ-ын мүдафиә назири Ллојд Остин дә бу мәтбуат конфрансы чыхышында дејиб: “Мән русијалы һәмкарымла Америка пилотсуз тәјјарәсинин Гара дәниз үзәриндә дүшмәси һадисәси илә бағлы телефонда данышдым вә дүшүнүрәм ки, бу әлагә каналларынын горунмасы ҝәләҹәкдә һәр һансы анлашылмазлығын гаршысыны алмаға көмәк едәҹәкдир”.

Остин Украјнадакы һадисәләрә дә тохунараг билдириб ки: Америкада республикачылар вә демократлар Украјнаны дәстәкләјирләр вә биз вәзијјәтин бу шәкилдә давам едәҹәјини прогнозлашдырыр вә ҝөзләјирикдик.

О, сөзүнә әлавә едәрәк дејиб ки: Украјна гүввәләринин Бахмут истигамәтиндә јерләшдирилмәси мәсулијјәти бу өлкәнин президентинин үзәринә дүшүр вә бу шәһәрдән ҝери чәкилмәк мәғлубијјәт демәк дејил. АБШ-ын чохлу мүттәфиг өлкәләри Украјна һәрби гүввәләринә тәлим кечирләр.

АБШ-ын мүдафиә назири өлкәсинин Түркијә илә әлагәләринә дә ишарә едәрәк вурғулајыб: Түркијә НАТО-нун үзвү вә АБШ-ын мүһүм тәрәфдашыдыр вә биз бу өлкә илә мүнасибәтләри ҝүҹләндирмәк үчүн әлимиздән ҝәләни едирик.

342/