ИШИД-ин Иранын ҹәнубундакы Фарс вилајәтинин мәркәзи Шираз шәһәриндә јерләшән Һәзрәт Әһмәд бин Мусанын (ә) мүгәддәс зијарәтҝаһына силаһлы һүҹуму 2-си ушаг олмагла 15 нәфәрин шәһид олмасы вә 27 зәвварын јараланмасы илә нәтиҹәләнди.
"Мизан" хәбәр аҝентлијинин мәлуматына ҝөрә, Ширазын Ингилаб Мәһкәмәсинин 1-ҹи шөбәсиндә мүгәддәс Шаһчырағ һәрәминдә террор актыны төрәдәнләрин истинтагы давам етдирилир. Прокурорун нүмајәндәси јенидән елан едилмиш иттиһам актыны мүдафиә етдикдән сонра , Иранда ИШИД үнсүрләринә дәстәк вермәкдә мүттәһимләрин ролуна ајдынлыг ҝәтирмәк үчүн мәһкәмәнин рәһбәри ики мәлуматлы шәхси трибунаја чағырыб.
Һаким Сејид Маһмуд Садати мәлумат верәнләрин террор актынын әсас иҹрачысы вә ишин биринҹи вә икинҹи дәрәҹәли мүттәһимләри илә танышлығы вә әлагәси барәдә суал верәрәк, иш үзрә тәгсирләндирилән шәхсләрин иддиалары вә мәһкәмәдәки етирафларыны ујғунлашдырмаға чалышды.
Гоншу өлкә вәтәндашы олан бу ики шәхс мәһкәмә гаршысында вердикләри ифадәләрдә Телеҝрам вә Инстаграм каналлары васитәсилә ИШИД груплашмасынын әлагәләндириҹиси илә неҹә таныш олдугларына тохунараг, бу груплашманын лидерләриндән биринин рәһбәрлији илә Теһранда террор груплашманын әлагәләндириҹиси илә таныш олдугларыны вә тәһлүкәсиз вә груп евләриндә јашадыгларыны билдирибләр.
Иҹласын давамында Ширазын Ингилаб Мәһкәмәсинин биринҹи шөбәсинин рәһбәри иш үзрә үчүнҹү дәрәҹәли тәгсирләндирилән "Нәим Һашим Гетали" адлы шәхсин ролуну тәһлил едиб.
Мәлуматлы шәхсләр лоҝистикаја вә јерләшдирмәләринә, һәмчинин террор актынын әсас иҹрачысы олан Әбу Аишә кими танынан Һамидә ишарә едәрәк, Ирана дахил олдугдан сонра бир мүддәт террор актынын әсас иҹрачысы илә ејни јердә галдыгларыны етираф едибләр.
Мәһкәмә иҹласынын давамында 3-ҹү дәрәҹәли тәгсирләндирилән шәхс трибунаја чыхараг, ИШИД груплашмасынын үзвү олдуғуну, һәмчинин бу групун Әфганыстандакы голларындан биринин рәһбәри әлагәдә олдуғуну етираф едәрәк, дејиб: "Ишләмәк үчүн Ирана ҝәлдим, амма бир мүддәт сонра ИШИД-ин Әфганыстандакы лидерләриндән олан Абдулла Сәид мәнә зәнҝ етди".
Бу мүттәһим Шаһчырағ зијарәтҝаһында төрәдилән террор актында иштирак етдијини, һәмчинин кечмишдә Бәграм һәбсханасында биринҹи дәрәҹәли мүттәһим Мәһәммәд Рамәзлә танышлығыны вә онунла әлагә сахладығыны етираф едиб.