Хан Ма партијасынын рәһбәри Авигдор Либерман чәршәнбә ахшамы радиоја вердији мүсаһибәдә дејиб: “Биз инди игтисади-ганунвериҹилик бөһранындајыг, дүнјада тәҹрид олунмушуг вә һеч ким Нетанјаһуну гијмәтләндирмир".
О, әлавә едиб: "Иран вә Һизбуллаһ Исраилә ҝүлүр вә ону әлә салырлар, чүнки онлар билирләр ки, Нетанјаһу бејнәлхалг бирлијә гадир дејил вә һәтта сионистләр арасында белә бирлик јарада билмәз".
Сионист Исраил лидерләринин Бенјамин Нетанјаһу вә һөкумәтинә гаршы тәнгидләри бу ҝүнләрдә мүхалифәтин күтләви етиразларынын давам етмәси вә мәһкәмә ислаһатлары һаггында ганунун гәбулундан сонра дахили бөһранын кәскинләшмәси сәбәбиндән ҝүҹләниб.
Сионист режимин башчысы Исһаг Һерсог бу һөкумәтә гаршы "ҹидди нәтиҹәләрә" малик олан мәһкәмә вә һүгуг ислаһатлары илә бағлы ҹидди ихтилафлар барәдә хәбәрдарлыг едиб вә дејиб: "Бу ислаһатларын дипломатик, игтисади, сосиал вә тәһлүкәсизлик тәсирләри ола биләр".
Һерсог дејиб: "Биз пис вәзијјәтдәјик, чох пис". О, мөвҹуд вәзијјәти “бизи мәһв едән дахили гаршыдурма" кими гијмәтләндириб.
Дүнән ахшам Кнессет сионист режимин баш назиринин ишдән чыхарылмасыны чәтинләшдирән мүбаһисәли ганун лајиһәсини тәсдигләјиб.
Кнессетдә саатларла давам едән гызғын мүзакирәләрдән сонра илкин сәсвермәдә 120 депутатдан 61-и тәклиф олунан ганун лајиһәсинин леһинә, 51-и исә әлејһинә сәс вериб; Амма галанлары ја иштирак етмәјиб, ја да битәрәф галыблар.
Бу ганун лајиһәси иҹра мәрһәләсинә кечмәздән әввәл сон тәсдиг үчүн Парламентдә әлавә ики сәсә еһтијаҹ дујур.
342/