Һәзрәт Ајәтуллаһүл-үзма Хаменеи бу ҝөрүшдә АБШ вә бәзи Гәрб өлкәләринин Иран вә Беларуса гаршы зоракы санксијаларыны бу ики өлкә арасында ортаг ҹәһәтләрдән бири һесаб едәрәк, вурғулајыблар: "АБШ-ын санксијаларына мәруз галан өлкәләр бирҝә ишләмәли вә санксија силаһыны санксија едән гәрб дөвләтләринин әлиндән алмаг үчүн бирҝә груп јаратмалыдырлар вә бунун едилә биләҹәјинә инанырыг".
Алимәгамлы Рәһбәр ингилабын гәләбәсинин әввәлиндән Американын Ирана гаршы тәтбиг етдији санксијалара, еләҹә дә сон он ики илин ән сәрт санксијаларынын тәтбигинә тохунараг гејд едибләр: "Санксијалар Ираны өз имканлары вә дахили гүввәләриндән хәбәрдар етди вә һәмин мүддәтиндә санксијалар Иран үчүн бир чох инкишафлара зәмин јаратды. Өлкәмиз мүхтәлиф саһәләрдә, о ҹүмләдән елм вә технолоҝија, тибби-биоложи, һава-космос, нүвә вә нанотехнолоҝија саһәләриндә һејрәтамиз ирәлиләјишә наил ола билди".
О Һәзрәт Иран вә Беларус арасында “елм вә технолоҝија”, "тиҹарәт" вә "бејнәлхалг форумларда сијаси фәалијјәтләр" дә дахил олмагла әмәкдашлыг саһәләрини хатырладараг, шимал-ҹәнуб транзит дәһлизинә ишарә едиб вә бујурублар: "Шимал-ҹәнуб транзит дәһлизинин ишә салынмасы һәр ики өлкәнин, еләҹә дә Русијанын вә реҝионун хејринәдир вә һәр ики тәрәф онун ишә салынмасы үчүн чалышмалыдыр".
Ислам Ингилабынын Алимәгамлы Рәһбәри гејд едибләр ки, разылашмалар вә сөзләр иҹласларда битмәмәлидир, хүсуси изләмә вә конкрет заманла һәјата кечирилмәлидир.
Беларус президенти дә өз нөвбәсиндә Ислам Ингилабынын Алимәгамлы Рәһбәри илә ҝөрүшдән бөјүк мәмнунлуг дујдуғуну билдириб вә дејиб: "Иран Ислам Республикасы санксијалар дөврүндә һејрәтамиз тәҹрүбә вә тәрәгги әлдә едиб вә биз һесаб едирик ки, санксијалар шәраитиндән дүзҝүн истифадә едиләрсә, бу, ирәлиләјиш үчүн фүрсәт ола биләр. Ирана сәфәримин мәгсәди Иранын әлдә етдији наилијјәтләрлә јахындан таныш олмаг иди".
342/