Әһли-Бејт (ә) Хәбәр Аҝентлији

мәнбә : ABNA24
çərşənbə axşamı

14 mart 2023

18:52:35
1352296

Сепаһ ҝәмиләринин сүрәти саатда 200 километрә чатаҹаг

Ислам Ингилабы Кешикчиләри Корпусу- Сепаһ-ын дәниз гүввәләринин команданы дејиб ки, ҝәләҹәкдә Сепаһ ҝәмиләринин сүрәти саатда ики јүз километрә чатаҹаг.

Контр-адмирал Әлирза Тәнҝсири дүнән ахшам бир телевизија чыхышында Сепаһ-ын дәниз гүввәләринин дөјүш габилијјәтинин ҝүҹләндирилмәси саһәсиндәки сон наилијјәтләринә тохунуб.

«Шәһид Багири» адына ҝәми јахын ҝәләҹәкдә тәгдим олунаҹаг- дејән контр-адмирал билдириб ки, сөзүҝедән һәрби ҝәми јүз әлли километр мәсафәдән дүшмән тәјјарәләри илә мүбаризә апармаг гүдрәтинә маликдир.

Сепаһ-ын дәниз гүввәләринин команданы сон заманлар бу гүввәләрин донанмасына гатылмыш «Шәһид Мәһдәви» ҝәмиси барәдә исә белә дејиб: «Шәһид Мәһдәви» ҝәмисиндә камикадзе, кәшфијјат вә вертикал учушлу пилотсузлар мөвҹуддур. Камикадзе ПУА-ларынын мәнзили, мин үч јүз километрә чатыр.

Контр-адмирал Тәнҝсири гејд едиб ки; Сепаһ-ын дәниз гүввәләринин «Тариг» ҝәмиләри јүз сәксән километрлик мәнзилә малик ракетләрлә тәҹһиз олунуб. Ракетләр бу гүввәләр тәрәфиндән дизајн вә истеһсал едилиб. Бу һәрби ҝәми сөзүҝедән ракети саатда алтмыш километр сүрәтлә атмаг габилијјәтинә маликдир.

342/