Әһли-Бејт
(әлејһимус сәлам) – Хәбәр Аҝентлији АБНА: Сабаһ 15 шабан, Аллаһ Тәаланын јер үзәриндә
бүтүн аләмләрә хәлг етдији 12-ҹи Хәлифәси Һәзрәт Имам Меһдинин (әҹҹәләллаһу фәрәҹәһу
шәриф) сәадәтли виладәтинин илдөнүмү ҝүнүдүр.
Һәзрәт Саһиб Заман, Меһди (әҹҹәләллаһу фәрәҹәһу шәриф) 255-ҹи һиҹри гәмәри или шабан ајынын 15-дә дүнјаја ҝөз ачды.
Имам Заманын (әҹҹәләллаһу фәрәҹәһу шәриф) әзиз атасы 11-ҹи имам Һәзрәт Имам Һәсән Әсҝәри (әлејһи сәлам), анасы исә әзиз ханым Нәрҝис (әлејһа сәлам) иди.
Һәзрәт Меһдинин (әҹҹәләллаһу фәрәҹәһу шәриф) ики гејбә чәкилмәк дөврү олмушдур. Биринҹиси гысамүддәтли, икинҹиси исә узунмүддәтли. Биринҹиси дүнјаја ҝәлдији вахтдан хүсуси наиблик дөврүнүн сонуна гәдәр давам едиб. Икинҹиси исә һәмин андан башланыб вә зүһур едәҹәји замана гәдәр давам едәҹәк.
Һәзрәт Имам Меһдинин (әҹҹәләллаһу фәрәҹәһу шәриф) сәадәтли виладәтинин илдөнүмү ҝеҹәси вә ҝүнүндә Ислами Иранын халгы дини мәканларда олараг мүхтәлиф шәнликләр кечирир вә әсрин имамына өз севҝиләрини бәјан едирләр.
Ширни вә шәрбәт пајламаг, мөвлудханлыг мәрасимләри кечирмәк, мәдһијјәчилик Иранын мүсәлман халгынын Һәзрәт Имам Меһдинин (әҹҹәләллаһу фәрәҹәһу шәриф) сәадәтли виладәтинин ҝеҹәси вә ҝүнүнүн әсас програмларындандыр.
Нимеји шәбан јәни шәбан ајынын ортасы кими дә адланан Имам заманын(әҹҹәләллаһу фәрәҹәһу шәриф) мөвлуду ҝүнү мүгәддәс Мәшһәд вә Гум шәһәрләриндә өзүнәмәхус ҹошгу илә гејд олунур.
Биз АБНА редаксијасы олараг бәшәријјәт аләминин јеҝанә хиласкары, Һәзрәт Имам Меһдинин (әҹҹәләллаһу фәрәҹәһу шәриф) сәадәтли виладәтинин ҝәлиб чатмасы мүнасибәти илә бүтүн мүсәлманлары еләҹә дә әдаләтсевәр инсанлары тәбрик едир.
Диггәт: Хәбәрдән Истифадә Етдикдә Мәнбәјә Истинад Лазымдыр!