Әһли-Бејт
(әлејһимус сәлам) – Хәбәр Аҝентлији АБНА: Ганунсуз әлијевләр режими илә ушаг гатили,
ишғалчы исраил режими арасында әлагәләрин нормаллашдырылмасынын ардынҹа сионист
ҹүһүд режими Исраил Абраһам Сазишинә даһа дөрд мүсәлман өлкәсинин гошулмасы үзәриндә
ишләдијини ачыглајыб.
Бу барәдә "Israel Hajom" нәшри мәлумат јајыб.
Нәшр мәнбәләрә истинадән билдириб ки, ишғалчы режимин хариҹи ишләр назири Ели Коһен Мавританија, Сомали, Ниҝер вә Индонезија илә әлагәләрин нормаллашдырылмасы үзәриндә чалышыр.
Гондарма режимин ганунсуз баш назири Бенјамин Нетанјаһу, АБШ дөвләт катиби Ентони Блинкен, милли тәһлүкәсизлик мүшавири Ҹејк Салливан вә Беннетт-Лапид дөврүндә Исраил-Ливан дәниз мүгавиләсиндә васитәчилик едән Амос Һокштејнин дә бу сәјләрдә иштирак етдији билдирилиб.
Кечән һәфтә Берлиндә Алманијанын хариҹи ишләр назири Анналена Бербок илә ҝөрүшдә ганунсуз Исраил режиминин ХИН башчысы Коһен Мавританија илә данышыгларын ирәлиләдијини дејиб вә һәмчинин Мавританија вә Ниҝерлә мүнасибәтләрин нормаллашмасында Алманијанын ушаг гатили сионист Исраил режиминә көмәк етмәсини истәјиб.
Гејд едәк ки, Фәләстин торпагларыны ишғал едәрәк иҹад олунан Исраил режими илә Мавританија арасында дипломатик мүнасибәтләр 1999-ҹу илдә гурулса да, 2008-ҹи илдә сионист режимин Гәзза Золағына гаршы апардығы мүһарибәси сәбәбиндән әлагәләри кәсилиб.
Ишғалчы Исраил режими илә Сомали арасында исә һеч вахт дипломатик әлагәләр олмајыб, лакин сон бир илдә өлкә президенти Һәсән Шејх Мәһәммәдин ганунсуз Исраил режимилә мүнасибәтләрин јарадылмасында мараглы олдуғу иддиа олунур.
Ниҝерлә дә ушаг гатили сионист Исраил режими илә һеч вахт рәсми дипломатик әлагәләри олмајыб, анҹаг һәјасыз Исраил режими Ниҝерлә әлагәләрин нормаллашдырылмасында мараглыдыр, чүнки бу өлкә глобал уран тәдарүкчүсүдүр вә онун ишғалчы Исраил режими илә әлагәләри уранын Иран Ислам Республикасы кими сионист режимә әкс мөвгедә олан өлкәләрә сатышынын гаршысыны ала биләр.
Диггәт: Хәбәрдән Истифадә Етдикдә Мәнбәјә Истинад Лазымдыр!