Ермәнистанын баш назири Никол Пашинјанын Алманија Федератив Республикасынын парламентариләри илә ҝөрүшдә Азәрбајҹанын иримигјаслы һүҹума һазырлашдығыны иддиа едиб.
Пашинјан дејиб: “Вәзијјәт ҝәрҝин олараг галыр. Бу, илк нөвбәдә, Азәрбајҹанын Лачын дәһлизини давамлы олараг блокадаја алмасы илә бағлыдыр. Тәәссүф ки, Бејнәлхалг Мәһкәмәнин гәрарына бахмајараг, Азәрбајҹан һәлә дә Лачын дәһлизини ачмајыб. Һалбуки мәһкәмәнин гәрары һүгуги гүввәјә маликдир. Һесаб едирәм ки, бу, бејнәлхалг сәвијјәдә мүзакирә едилмәли бир вәзијјәтдир, чүнки Бејнәлхалг Әдаләт Мәһкәмәсинин гәрарыны реаксијасыз гојмаг јолверилмәздир”.
Онун сөзләрин ҝөрә, Азәрбајҹанын мәгсәди Дағлыг Гарабағда етник тәмизләмә апармаг вә ермәниләри орадан тәмизләмәкдир. Азәрбајҹан президенти Әлијевин дә сон бәјанаты буну сүбут едир. “Әлијев дејиб ки, Лачын дәһлизи Гарабағы тәрк етмәк истәјән ермәниләр үчүн ачыгдыр, мәнҹә, бу, автоматик олараг Дағлыг Гарабағда јашајан ермәниләр үчүн месаждыр. Азәрбајҹанын һәрәкәтләринин әсас сәбәби дә будур. Нараһатлыглар вар ки, бу, Дағлыг Гарабағда, бәлкә дә Ермәнистан-Азәрбајҹан сәрһәдиндә дә гаршыдурманын јалныз башланғыҹыдыр, чүнки Азәрбајҹан агрессив фикирләрини, агрессив риторикасыны ифадә етмәкдә давам едир”, - дејә Никол Пашинјан сөјләјиб.
342/