Ермәнистан баш назиринин мәтбуат хидмәтинин вердији мәлуматда белә дејилир: “Тәрәфләр “Азәрбајҹанын Лачын дәһлизинин гејри-гануни шәкилдә бағланмасы нәтиҹәсиндә Дағлыг Гарабағда јаранмыш һуманитар, еколожи вә енержи бөһранына тохунублар”.
“Пашинјан Русија Федерасијасынын бунун арадан галдырылмасы үчүн лазыми аддымлар атмасынын ваҹиблијини вурғулајыб. Баш назир, ејни заманда, Бејнәлхалг Мәһкәмәнин Азәрбајҹанын Лачын дәһлизинин ачмасы илә бағлы гәрары фактыны вурғулајыб”, - хәбәрдә билдирилир.
Бундан башга, Ермәнистан, Русија вә Азәрбајҹан лидерләринин 9 нојабр 2020-ҹи ил, 11 јанвар вә 26 нојабр 2021-ҹи ил тарихли үчтәрәфли бәјанатларында гејд олунан сазишләрин иҹрасы мәсәләләри мүзакирә едилиб.
Хәбәрдә дејилир ки, Ермәнистан-Азәрбајҹан мүнасибәтләринин низамланмасы просеси әтрафында да фикир мүбадиләси апарылыб.
Гејд едәк ки, Азәрбајҹан Республикасы Лачын дәһлизиндән гејри-гануни дашынмалара мане олмаг үчүн азәрбајҹанлы еко-активистләрин Ханкәнди-Лачын олунда аксијасыны тәшкил едиб. Русија сүлһмәрамлыларынын нәзарәтиндә олан Лачын дәһлизиндә баш верәнләрлә бағлы Русијаја гаршы тәләб ирәли сүрә билмәјән рәсми Бакы белә гәнаәтдәдир ки, Ермәнистан тәрәфи 2020-ҹи ил тарихли Үчтәрәфли бәјанатында Азәрбајҹан Республикасынын Лачын јолу үзрә һәр ики истигамәтдә вәтәндашларын, нәглијјат васитәләринин вә јүкләрин һәрәкәтинә тәһлүкәсизлик зәманәти вермәси барәдә мүддәаны дүзҝүн анламајыб. Рәсми Бакы билдирир ки, Азәрбајҹанын Лачын јолунда һәрәкәтин тәһлүкәсизлијинә зәманәт вермәси јолдан суи-истифадә һалларына имкан јарадылмасы кими анлашылмамалыдыр.
Бејнәлхалг Әдаләт Мәһкәмси сон ҝүнләр Ермәнистанын мүраҹиәти әсасында Лачын дәһлизинин бағланмасы иши барәдә гәрар вериб. Ермәнистан тәрәфи һәмин гәрары Азәрбајҹан Республикасына гаршы бир һүгуги сәнәд кими истифадә етмәсинә бахмајараг Азәрбајҹан ХИН бу гәрарын һеч дә Ермәнистанын мөвгејини тәсдиг етмәдијини билдирир.
342/