Сағламлыға Хидмәт Иҹтимаи бирлијинин иҹрачы директору, Вәрәмлә Мүбаризә үзрә Авропа Коалисијасынын идарә һејәтинин үзви Пәрванә Вәлијева Спутник Азәрбајҹан-а ачыгламасында бу барәдә мәлумат вериб.
О гејд едиб ки, рајонларда чалышан һәкимләрин әксәријјәтинин јашы чохдур. Әксәријјәти дә пулмонолог, јахуд да фтизиатр јох, садәҹә терапевтдир.
"Тәәссүфләр олсун ки, хәстәләр әксәр һалларда диагнозу дүзҝүн гојмајан һәкимләрин әлинә дүшүрләр. Чох вахт УСМ, рентҝен һәкиминин шәхсә вәрәм диагнозу гојараг дәрманлар јаздығынын шаһиди олмушуг. Нәтиҹәдә шәхс дәрмана давамлы вәрәм хәстәсинә чеврилир", - дејә експерт билдириб.
П.Вәлијева дејиб ки, 5 јашадәк ушаглар, диабет хәстәләри, онколожи хәстәләр, орган көчүрүлмә әмәлијјаты иҹра олунан хәстәләр, кечмиш мәһкумлар, гачгын вә мәҹбури көчкүнләр, мигрантлар әсас риск групундадыр:
Пәрванә Вәлијева өлкәдә вәрәмин јајылмасыныны гачылмаз олдуғу вә бунун сәбәбләрини дејиб: " ГИЧС хәстәләри, наркоманлар, алкогол алудәчилији оланлар да риск групудур. Үмумијјәтлә, бу груплар ССРИ дөврүндә дә әсас риск груплары һесаб едилирди вә мүтәмади олараг јохланылырды. Һазырда исә бу истигамәтдә јохланышлар апарылмадығы үчүн вәрәмин јајылмасы гачылмаздыр".
Гејд едәк ки, Азәрбајҹан Республикасы университетләриндә рүшвәтхорлуг, мәзунларын савадсызлығы илә нәтиҹәләнир вә бу да диҝәр саһәләрдә олдуғу кими сәһијјә саһәсиндә дә өз фәсадларыны ҝөстәрир. Елә сәһијјә саһәсиндә ишәҝөтүрмәләрдә дә рүшвәтин олдуғу бу фаҹиәнин мигјасыны даһа да ҝенишләндириб вә халг арасында сәһијјә секторуна бөјүк етимадсызлыға сәбәб олуб.
342/