"Даилј Маил" журналы билдириб ки, сәфирлик бинасына ҝириш-чыхыш гадағандыр вә сәфирликдәки инсанлара пәнҹәрәләрдән узаг дурмаг төвсијә едилиб.
Мәлумата ҝөрә, бинанын ичәрисиндәки инсанларын пајлашдығы ҝөрүнтүләрдә онларын јердә чөмелмиш вә диварлара сөјкәнәрәк әјләшдикләри ҝөрүнүр.
Сәфирлијин јахынлығында јашајан һадисә шаһидләриндән бири Даилј Маил-ә дејиб ки, әразидә силаһлы гүввәләр вә ијләјән итләр патрул едир.
Бу тәһлүкәсизлик һадисәсинин сәбәби һәләлик мәлум дејил, лакин һадисә јериндә олан сосиал шәбәкә истифадәчиләри полис мәмурларынын јүксәк сәслә гышгырдыгларыны билдирирләр.
Јајымланан ҝөрүнтүләрдә сәфирлијин әтрафындакы әразидә ән азы ики јанғынсөндүрән машыны вә полисин олдуғу ҝөрүнүр.
Һәмчинин сәфирлијин әтрафындакы күчәләр дә бағланыб.
Лондон полиси бу хәбәр дәрҹ олунана гәдәр һеч бир ачыглама вермәјиб вә јалныз медиаја бу һадисәдән хәбәрдар олдугларыны билдириб.
342/