Иран, мәһкәмә истинтагы вә тәһгигатларын нәтиҹәләринә истинадла һүҹумчунун шәхси зәминдә ҹинајәт төрәтдијини билдирир вә мәһкәмә ҹинајәт төрәдән шәхсин илкин психоложи мүалиҹәсинә гәрар вериб. Ҹинајәт үзрә иш исә давам етмәкдәдир вә тәфәррүаты илә мәлумат Азәрбајҹан Республикасынын рәсми гурумларына тәгдим едилир.
Сәфирлијә һүҹумдан дәрһал сонра вә һәлә ҹинајәтлә бағлы арашдырмалара башланыларкән сәфирлијин тәхлијә едилмәсинә гәрар верән Азәрбајҹан Республикасынын президенти Илһам Әлијев Иранын тәһгигат проссесиндә Азәрбајҹан тәрәфинин дә иштиракына даир чағырышларына мәһәл гојмајараг үстәлик Иранын рәсми даирәләрини јанварын 7-дә Азәрбајҹанын Теһрандакы сәфирлијинә гаршы һүҹуда әли олмагда иттиһам едиб. О сәфирлијә һүҹумун террор акты олмасына даир иддиаја һеч бир факт тәгдим етмәдији кими, Иранын рәсми даирәләрини бу һүҹумда иттһамландырмасына да һансыса әсас ҝәтирмәјә лүзум ҝөрмәјиб.
Азәрбајҹан Республикасынын Теһрандакы сәфирлијинә силаһлы һүҹумдан дәрһал сонра һадисә јеринә Теһран полисинин фәалијјәтдә олан рәисинин команданлығы илә әмәлијјат групунун ҹәлб олунмасына ишарә етмәјән Илһам Әлијев полисин әмәлијјатына да көлҝә салмаға чалышыб.
Ирандан шәффаф арашдырма тәләб едән Азәрбајҹан Республикасы президенти, нәдәнсә Иранын әввәлиндән сәсләндирдији бирҝә арашдырма чағырышына бу ҝүнәдәк һеч бир ҹаваб вермәјиб.
Әсассыз вә һеч бир мәнтигә ујғун ҝәлмәјән иддиаларла Ираны рәсмән Азәрбајҹан Республикасы сәфирлијинә һеҹумда иттиһам едән Илһам Әлијев ики өлкә арасындакы мүнасибәтләрин нормаллашмасы үчүн иддиа етдији рәсми даирәләрин нүмајәндәләринин ҹәзаландырылмасыны шәрт кими ирәли сүрмәклә әслиндә Иранла мүнасибәтләрә һәмишәлик сон гојмуш олдуғуну, өзүнү дүнја азәрбајҹанлыларынын лидери адландырмасына рәғмән совет сәрһәдләрини бәрпа етмәји планлашдырдығыны билдирмиш олуб.
342/