Иранын Зәнҝәзур дәһлизи мәсәләсинә дүзҝүн реаксијасындан гәзәбләнән сабиг хариҹи ишләр назири Тофиг Зүлфүгаров Ермәнистаны Ирана бәдбин етмәк мәгсәдилә политолога јарашмајан ҝүлүнҹ фикир ирәли сүрүб: “Белә баша дүшүрәм ки, әҝәр Зәнҝәзур дәһлизи Ермәнистан әразисиндән кечсә, Иран әлејһинә, јох, әҝәр өз әразисиндән кечсә, леһинә олаҹаг. Гәрибә достлугдур, ҝөрәсән Ермәнистанда бу фырылдағы һисс етмирләр?”, - дејә Азәрбајҹанын ХИН башчысы гејд едиб.
Гејд едәк ки, Азәрбајҹанын гәрб рајонлары илә Нахчываны бирләшдирән дәһлизин Иран Ислам Республикасы әразисиндән кечмәсинә Теһран разылыг вериб. Рәсми Теһран һәмчинин Ермәнистан маршрутундан истифадә олунмағын да әлејһинә дејил, тәкҹә Иран-Ермәнистан сәрһәдинин бағланмасындан еһтијатланыр вә бу барәдә Әлијев һакимијјәтинә хәбәрдарлыг едиб, билдириб ки, Иранын дөвләт марагларында һеч бир вәҹһлә ҝүзәштә ҝетмәјәҹәк.
Гәрибәдир ки, бәзи азәрбајҹанлы рәсмиләр вә сијасәтчиләр бу мөвгеји Иранын Ермәнистаны дәстәкләмәси кими гәләмә верирләр.
Експертләр Тофиг Зүлфүгаровун сон бәјанатына тохунараг билдирирләр ки, бу, Бакынын тәблиғат һијләсидир, садәҹә олараг диггәтләри Әлијевин агрессијасындан јајындырмаг истәјирләр.
Јери ҝәлмишкән билдирәк ки, бәзи јерли сијасәтчиләр сон ајларда Ермәнистанын ҹәнубунда дәһлиз јаратмағы планлашдырдыгларыны етираф етмишләр, мәгсәд исә Ермәнистанын ҹәнуб бөлҝәсини әлә кечирмәк вә бу бөлҝәни Азәрбајҹан Республикасына бирләшдирмәкдир, диҝәр мәгсәд исә Иранын Аврасија реҝиону илә гуру әлагәсини кәсмәкдир. Теһран буна мане олаҹағыны ҝизләтмир.
342/