Мөвлуд Чавушоғлу Анкарада кечирдији мәтбуат конфрансында дејиб ки, Ермәнистанын хариҹи ишләр назири Арарат Мирзојан илә нормаллашма просесиндә атылаҹаг аддымлары мүзакирә едиб.
“Бундан әлавә, биз ондан Азәрбајҹан вә Ермәнистан арасында һәртәрәфли сүлһ мүгавиләси әтрафында давам едән ҝөрүшләр вә данышыглар барәдә мәлумат алдыг”, - дејә Түркијәнин ХИН рәһбәри вурғулајыб.
Онун сөзләринә ҝөрә, Ҹәнуби Гафгазда давамлы сабитлик бу реҝионун игтисади инкишафы бахымындан сон дәрәҹә ваҹибдир.
Түркијәнин хариҹи ишләр назири Ермәнистанла нормаллашма мәсәләсинә дә тохунуб. “Бу ҝүн биз нормаллашма просесиндә һансы аддымлары ата биләҹәјимизи бир даһа мүзакирә етдик. Бунлардан бири дә Ермәнистан-Түркијә сәрһәдиндә јерләшән тарихи Ипәк Јолу Көрпүсүнүн јенидән гурулмасыдыр, һәр ики тәрәфдән сәрһәд-кечид мәнтәгәләриндәки көрпүләрлә бағлы арашдырмалар вар, биз бу аддымлары сүрәтләндирмәк үчүн разылашдыг”, - дејә Түркијәнин ХИН рәһбәри билдириб.
Ермәнистанын хариҹи ишләр назири Арарат Мирзојан исә өлкәсинин Түркијә илә мүнасибәтләри там нормаллашдырмаға, дипломатик мүнасибәтләр гурулмаға вә сәрһәдләри там ачмаға һазыр олдуғуну бир даһа бәјан едиб.
342/