Бу ҝүнләрдә Азәрбајҹан Республикасынын Теһрандакы сәфирлијинин аилә-мәишәт зәмининдә бир шәхс тәрәфиндән һүҹума мәруз галмасы вә Хој шәһәриндә баш вермиш зәлзәлә Әлијев режиминин Иран Ислам Республикасына гаршы гара-пиар кампанијасынын әсас сүжетләрини тәшкил едир вә клан режими Иранофобија сијасәтинин иҹрасыны сүрәтләндириб.
Сәфирлик мәсәләсиндә Иран тәрәфи һадисәнин террор акты олмадығыны вурғуласа да, рәсми Бакы буну аз гала бејнәлхалг тәшкилатлар сәвијјәсиндә галдырмаға ҹәһд едир вә һакимијјәт органлары кәскин анти-Иран јанашмасыны ортаја гојублар. Илһам Әлијевдән тутмуш, Азәрбајҹанын Хариҹи Ишләр Назирлији, Милли Мәҹлисин депутатлары вә Азәрбајҹан Республикасынын бүтүн КИВ-ләри һадисәнин террор характери дашыдығыны вурғулајыблар.
Бундан әлавә, Теһранла ҝәрҝинлији аловландыран Әлијев һакимијјәти үчүнҹү гүввәнин тапшырығы әсасында Ирандакы сәфирлији бағламагла јанашы Азәрбајҹан вәтәндашларынын Ирандан ҝери гајтарылмасыны тәләб едән бәјанат јајды. Һәмчинин Азәрбајҹан Республикасынын Иран Ислам Республикасындакы Сәфирлијинә басгынла әлагәдар Дипломатик Мүнасибәтләр һаггында Вјана Конвенсијасындан ирәли ҝәлән өһдәликләрин јеринә јетирилмәси барәдә мүвафиг бејнәлхалг тәшкилатлара вә платформалара мүраҹиәт едилди.
Бу просесин ардынҹа Азәрбајҹан Республикасынын тәһлүкәсизлик гүввәләри 2023-ҹү ил јанварын 31-дә ҝуја “Иранын ҹасуслуг шәбәкәсинә гаршы” әмәлијјата башладығыны елан етди. 1937-ҹи ил репрессијаларыны хатырладан бу әмәлијјат заманы онларла ҝүнаһсыз инсан; о ҹүмләдән мүсәлман журналистләр вә руһаниләр шәрләнәрәк һәбс едилди.
Чиркин кампанијанын давамында Бакы һөкумәтинин рәсми медиасынын зәлзәләдән зәрәр чәкмиш Хој илә бағлы әсассыз јаланлары да диггәтдән кәнарда гала билмәз.
Белә ки, гоншу өлкәнин рәсми медиа вә телевизијалары Иран һөкумәтини зәлзәләдән зәрәрчәкәнләрә етинасызлыг ҝөстәрмәкдә иттиһам едир. Тәфригәчи гара-пиар кампанијасында иддиа олунур ки, Иран һөкумәтинин зәлзәләдән зәрәр чәкмиш инсанлара хидмәт етмәк үчүн һеч бир һәрәкәти јохдур, чүнки онлар азәриләрдир вә һуманитар јардым јалныз түркдилли халгын көмәјидир!
Етник вә милләтчи һиссләрә әсасланан бөһтан характерли хәбәрләрин јајылмасына рәғмән, зәлзәләнин илк ҝүнләриндән дахили ишләр назири вә Гызыл Ајпара Ҹәмијјәтинин рәһбәри, сонракы ҝүнләрдә исә биринҹи витсе-президент, Ислам Ингилабы Кешикчиләри Корпусу Сепаһын баш команданы вә тәһсил назири кими бәзи назирләр бөлҝәјә сәфәр едәрәк, дәјмиш зијаны әтрафлы шәкилдә гијмәтләндириб мүвафиг тапшырыглар вермишләр.
Өз нөвбәсиндә февралын 5-дә президент Сејид Ибраһим Рәиси бөлҝәнин зәлзәләдән зәрәр чәкмиш әһалисинә баш чәкди вә јахындан вәзијјәтлә таныш олду. “Иншаллаһ гыса мүддәт әрзиндә Хојда јенидәнгурма ишләри башланаҹаг вә һөкумәт бунун үчүн вәсаит ајыраҹаг”, - дејә Иран Ислам Республикасынын президенти вурғулајыб.
Мараглыдыр ки, Азәрбајҹан Республикасы нәинки Хојда зәлзәләдән зәрәрчәкәнләрә јардым ҝөстәрмәмишдир, һәтта башсағлығы вермәкдән белә чәкинмишдир.
Һәр һалда Әлијевин тәблиғат машыны тәбии фәлакәти јәни Хој зәлзәләси мәсәләсини етник тәблиғат васитәсинә чевирмәјә чалышса да, бу ҹылыз вә дүшүк һәрәкәт Иран азәриләри арасында јалныз истеһза илә гаршыланыр.
342/