Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹанын
тәһсил назири Емин Әмруллајев "Кәнд Тәсәррүфаты вә Тәһсил" мөвзусунда
кечирилән Азәрбајҹан-Исраил Инновасија Форумунда дејиб: “Азәрбајҹанын тәһсил системиндә
инновасијаларын тәтбиги бизим тәмәл гајдалары унутмалы олдуғумуз анламына ҝәлмир.
Бәли, биз тәһсил системимиздә инновасијалары тәтбиг етмәјә чалышырыг. Азәрбајҹан
ҝәнҹ вә инкишаф етмәкдә олан өлкәдир вә биз үмид едирик ки, Исраилин тәҹрүбәси бизә
өлкәнин тәһсил системини јахшылашдырмагда көмәк едәҹәк".
Трендин мәлуматына ҝөрә о, һәмчинин, бу ҝүн Азәрбајҹанда СТЕМ методикасы илә фәалијјәт ҝөстәрән 30 мәркәзин олдуғуну гејд едиб.
Назирин сөзләринә ҝөрә, бу мәркәзләрин фәалијјәти чәрчивәсиндә роботехника вә дронларын лајиһәләндирилмәси кими технолоҝијалар Азәрбајҹанда тәһсил програмынын әсасыны тәшкил едәҹәк.
Гејд едәк ки, СТЕМ тәһсилдә јени јанашмадыр. Бурада тәбии-елми вә техники биликләр үзрә бүтүн саһәләр бирләшир, тәлим аланлар исә бу биликләри дәрсликдән дејил, јарадыҹы тапшырыглары һәлл етмәклә әлдә едир.
Диггәт: Хәбәрдән Истифадә Етдикдә Мәнбәјә Истинад Лазымдыр!