"КазМунајГаз” феврал ајындан БТҸт кәмәри илә нефт ихраҹына башлајаҹағыны билдирмишди. Ширкәт февралда 120 мин тон һәҹминдә нефт тәдарүкүнү планлашдырырды.
Бундан әввәл исә “КазМунајГаз” ширкәтиндән БТҸ кәмәри илә иллик 1,5 милјон тон нефтин дашынмасы илә бағлы Азәрбајҹан Дөвләт Нефт Ширкәти (СОҸАР) илә данышыгларын апарылдығы гејд едилмишди.
Сон ҝүнләр зәлзәлә нәтиҹәсиндә дәјән зијана ҝөрә Түркијәнин Ҹејһан лиманындан Азәрбајҹан хам нефтинин ихраҹы дајандырылыб.
Зәлзәләдән дөрд ҝүн сонра ҹүмә ҝүнү рәсми вә саһәнин мәнбәләри билдириб ки, Ҹејһан нефт терминалында һазырда зәрәрин гијмәтләндирилмәси вә тәмир ишләри апарылыр.
Гејд едәк ки, Газахыстан нефти Азәрбајҹанын хам малынын әсас ихраҹ маршруту олан БТҸ бору кәмәринә гарышыг шәкилдә дахил олур. Маршрутун бир һиссәси дәмир јолу илә, диҝәр бир һиссәси исә Бакыја чатдырылмаг үчүн Актау лиманында јүкләнәрәк Хәзәр дәнизиндән кечән кичик танкерләрлә, сонрадан бору кәмәринә долдурулур.
Газахыстан 2022-ҹи илин јајында тәдарүкләри диверсификасија етмәјә чалышараг, Русијадан јан кечәрәк нефт ихраҹыны артырмаға чалышыр. Лакин буна бахмајараг Хәзәр Бору Кәмәри Консорсиуму (ҸПҸ) әсас ихраҹ маршруту олараг галыр вә Русијанын Новороссијск јахынлығындакы Јужнаја Озерејевка дәниз терминалында баша чатыр вә алтернатив тәҹһизатын пајы аздыр.
Вахты илә Азәрбајҹан Республикасы нефтинин БТҸ бору кәмәри васитәси илә ихраҹы үзрә бу лајиһәнин иҹрасына башлајаркән онун тәнгидчиләри хәбәрдарлыг едирдиләр ки, һәм кәмәр һәм дә онун сон мәгсәди олан Ҹејһун лиманы зәлзәлә бөлҝәсиндә јерләшдијинә ҝөрә, Азәрбајҹан нефтинин ихраҹы үчүн әлверишли олмајаҹаг. Сонралар хәзәрин шәргиндә јерләшән нефтин дә бу кәмәрә өтүрүлмәси истигамәтиндә сәјләрә башланылды анҹаг кәмәрин рискли олмасы, еләҹә дә Русијанын тәзјигләри, һәм дә Хәзәр дәнизинә гаршы еколожи тәһдидләрә ҝөрә, бу сәјләр истәнилән мәгсәдә наил олмамышдыр.
342/