Сәфирлик һадисәсиндән 14 ҝүн сонра бу һадисәнин рәсми Бакынын иддиасы әсасында рајон дини иҹмалары тәрәфиндән ҝүндәмә ҝәтирилмәси Азәрбајҹан һөкумәти тәрәфиндән планын һәлә ишләмәкдә олдуғуну ҝөстәрир.
27 јанварда Азәрбајҹан Республикасынын Теһрандакы сәфирлијинә силаһлы һүҹумдан дәрһал сонра һәлә илкин истинтаг апарылмамышкән Азәрбајҹан Республикасы президенти бир твиттдә һүҹумун террор акты олдуғуну билдирди. Бу твиттдән сонра рәсми Бакы һәркәсдә тәәҹүб доғуран күскүн мөвге тутараг өз сәфирлијини тәхлијә етди вә истинтаг әмәлијјатында јахындан иштирак етмәк вә һәгигәтин тәсбит олунмасына төһвә вермәк үзрә Иранын мүвафиг гурумлары тәрәфиндән едилән чағырышлара һеч бир мәһәл гојмады. Һәмин ҝүндән Азәрбајҹан Республикасында бүтүн медијалар Илһам Әлијевин твиттиндәки иттиһамы факт кими тәгдим едәрәк, Ирана гаршы ҝениш гаралама кампанијасына старт верди.
“Политолог”, “сијаси хадим”, “иҹтимаи хадим”, депутат вә… Илһам Әлијевин твиттиндәки иддианы әсасландырмаг үчүн ҝеҹә-ҝүндүз версијалар дүз-гош етмәјә ҹәлб олундулар.
Гара пијар кампанијасы илә паралел олараг, иранофобијаја да старт верилди. Өзү дә ислам мүгәддәсләри вә мүсәлман өлкәләрини һәдәфә алан гејри-мүсәлман моделинә ујғун шәкилдә. Авропада бир “Шарли Ебдо” нәшри бу миссијаны һәјата кечирирдисә Азәрбајҹан Республикасында чохсајлы “Шарли Ебдо”-лар ишә дүшдүләр.
Президент Илһам Әлијевин 27 јанвар сәһәр чағы атдығы твитт, әмәлијјат коду еффектини верәрәк, Аллаһ адыны дилинә ҝәтирән һәр бир вәтәндашын Иран ҹасусу иттиһамы илә һәбсинә ҝөстәриш кими дә олду. Беләликлә танынмыш диндарлар вә руһаниләр бири-биринин ардынҹа ја ҹасус ја да наркотик дашымаг иттиһамы илә һәбс едилдиләр.
Азәрбајҹан Республикасында 27 јанвардан сонра башладылан репрессијанын бу әнәнәви механизминин кәнарында бир јенилик диггәти чәкмәкдәдир, О да дүнјәвичи игтидар тәрәфиндән гурулмуш дин секторунун, хариҹи дипломатијада јаранмыш бир бөһрана мүдахиләјә ҹәлб едилмәсидир.
Гафгаз Мүсәлманлары Идарәсинин сәдринин илк ҝүндән сифаришли анти-Иран чыхышлары вә онунла јанашы, һәмин идарәнин монополијасында олан дини групларын адындан бәјанатлар верилмәси бунун ҝөстәриҹисидир. Ҝөрүнүр Илһам Әлијевин 27 јанвар твитти илә башладылан бу һәртәрәфли планда һәта рајон ахундлары да анти-Иран кампанија үзрә өһдәлик ҝөтүрмәли олублар.
Сабирабад, Саатлы, Имишли вә Бејләган кими рајонларынын дини иҹмаларынын бәјанатлары битәндән сонра јәгин ки, сыра кәнд ахундларына чатаҹаг. Ҝөрүнән одудр ки, бир тәрәфдә диндарлар сијаси фәалијјәтләрдә иттиһам едиләрәк һәбс олунур диҝәр тәрәфдән “диндарлар” сијаси плана ҹәлб едилир.
342/