сајт јазыр ки, Иран ҝуја Ермәнистанла бирликдә Лачын-Губадлы истигамәтиндә һүҹума һазырлашыр.
Һаггын.аз бу ҝүлүнҹ иддианы ҝуја өз мәнбәләринә истинадән јајыб.
Сахта мәлумата ҝөрә, провокасијанын һазырланмасы вә һәјата кечирилмәсиндә ҝуја Иран Ислам Ингилабы Кешикчиләр Корпусунун (СЕПАҺ) 30 диверсанты иштирак едәҹәк. Сајт һазырда СЕПАҺ-ын әсасән етник азәрбајҹанлылардан тәшкил едилән диверсија групунун Ермәнистан-Азәрбајҹан сәрһәдиндә – Зәнҝәзур вилајәтиндә јерләшдијини билдириб. Онларын Ермәнистан Мүдафиә Назирлијинин Кәшфијјат Идарәсинин әмәкдашлары илә бирҝә һазырлыг иши апардығы вурғуланыб.
Ермәнистана ҝәлән диверсија групуна СЕПАҺ ҝенералынын рәһбәрлик етдији вә онун адынын артыг Азәрбајҹан һөкумәтинә бәлли олдуғу гејд едилиб. Бу шәхс узун мүддәт Суријада хидмәт едиб вә јерли локал дөјүшләрин реаллашдырылмасына, диверсија һүҹумларынын тәшкилинә рәһбәрлик едиб.
Мәзһәкәли иддианын давамында гејд олунур ки, биринҹи һүҹум диверсантлар тәрәфиндән Ермәнистан ордусунун формасында Азәрбајҹан постларындан биринә һәјата кечириләҹәк. Икинҹи груп исә ҝуја Азәрбајҹан ордусунун формасыны ҝејинәрәк, ермәни постларындан биринә һүҹум едәрәк, әсҝәрләрин һамысыны өлдүрәҹәк, сонра исә Зәнҝәзура Сепаһ-ын әлавә гүввәләринин јеридилмәси, даһа сонра исә Азәрбајҹанын постлары вә мөвгеләринә һүҹумлары нәзәрдә тутулуб.
Сајт һүҹум вахтынын тәсадүфән сечилмәдијини иддиа едиб. Һаггин.аз Ирәванын Түркијәнин зәлзәлә илә башынын гарышмасындан истифадә едәрәк, Теһранла өз планыны тәләсик ҝерчәкләшдирмәјә чалышдығыны јазыб.
Ҝөрүнүр, сионист ағаларынын тәлиматы әсасында фитнә-фәсадла мәшғул олан Ејнулла Фәтуллајев кими ишбазлар белә ујдурмалары ортаја атмагла ҝүндәмдә галмағын јолуну тапыблар.
342/