Никол Пашинјан парламентдә чыхыш едәркән билдириб ки, онун өлкәси реҝионда коммуникасијаларын ачылмасында һамыдан чох мараглыдыр.
"Реҝионда коммуникасијаларын ачылмасы, әсасән Ермәнистан-Азәрбајҹан дәмир вә автомобил јолларынын ачылмасы бизим Аврасија Игтисади Бирлији илә, тәкҹә онунла да јох, әмтәә дөвријјәмизи әһәмијјәтли дәрәҹәдә артыраҹаг.
“Биз даһа чох мараглыјыг, чүнки 30 илдир блокададајыг, һеч биринин - нә Азәрбајҹанын, нә дә Түркијәнин бу јоллара Ермәнистан гәдәр еһтијаҹы јохдур", - дејә Пашинјан сөјләјиб.
О, Зәнҝәзур дәһлизини нәзәрдә тутараг дејиб ки, Түркијә вә Азәрбајҹан Ермәнистаны "9 нојабр тарихли үчтәрәфли бәјанатда јазылмајанлары реаллашдырмаға" мәҹбур етмәк истәјирләр. Лакин Ермәнистан ганунвериҹилији чәрчивәсиндә јолу ачмаға һазырдыр, лакин һансыса дәһлизин верилмәсиндән сөһбәт ҝедә билмәз.