Бу барәдә Ермәнистанын хариҹи ишләр назири Арарат Мирзојан Алманија ХИН башчысы Анналена Бербокла бирҝә мәтбуат конфрансында билдириб.
"Биз Москвада Азәрбајҹан вә Русија хариҹи ишләр назирләри илә ҝөрүшмәли идик, амма Лачын дәһлизинин бағланмасы илә әлагәдар Ермәнистан тәрәфи иштиракыны тәхирә салды. Буна бахмајараг, биз өз тәклифләримизи Азәрбајҹан тәрәфинә тәгдим етдик вә бу ҝүнләрдә Бакыдан сүлһ мүгавиләси илә бағлы јени тәклифләри алдыг. Мәтн үзәриндә иши давам етдиририк", - дејә Мирзојан билдириб.
Гејд едәк ки, сүлһ просеси бир илдән чохдур давам едир. Бу мүддәт әрзиндә Ирәван дәфәләрлә Бакынын тәклиф етдији 5 бәндин Ермәнистаны гане етдијини билдириб, амма ҹаваб шәртләри ирәли сүрүб.
Азәрбајҹанын тәклифләринин маһијјәти әрази бүтөвлүјүнүн гаршылыглы олараг танынмасындан, ҝәләҹәкдә әрази иддиаларында имтинадан, сәрһәдин демаркасијасындан вә сүлһ мүгавиләсинин бағланмасындан ибарәтдир.
Ермәнистан тәрәфи исә сүлһ сазишиндә Гарабағын адынын чәкилмәсини вә она мүәјјән бир статус верилмәсини тәләб едир.
Ермәнистан ХИН рәһбәри әлавә едиб ки, Лачын дәһлизинин блокадасы вә бүтүн диҝәр проблемләрә рәғмән, данышыглар давам едир.
Онун сөзләринә ҝөрә, “ермәниләрә гаршы давамлы агрессив риторика вә нифрәт тәблиғаты данышыгларын уғурлу вә рәван кечмәсинә гәтијјән көмәк етмир”.
342/