Ҹәнуб зонасынын Ҹәлилабад рајонундан олан Һаҹы Ҹамир Ағајевин ики ҝүн әввәл сахланылараг һәбс олундуғу тәсдигләниб. Һаҹы Ҹамирин јахынлары хәбәр верир ки, Азәрбајҹан хүсуси хидмәт органлары Һаҹы Ҹамири евиндән апарараг һарада сахланылмасы барәдә аиләсинә һәлә дә бир хәбәр вермәјиб.
Хатырладаг ки, бу, Һаҹы Ҹамир Ағајевин сон бир илдә икинҹи һәбсидир. Бир гәдәр әввәлдә Һаҹы Ҹамир Ағајев һүгуг мүһафизә органлары тәрәфиндән гејри-мүәјјән иттиһамла сахланса да, сонрадан сәрбәст бурахылмышды.
Мәлумат үчүн билдирәк ки, руһани Илгар Бәдәлов полис әмәкдашлары тәрәфиндән нәзарәт алтына алыныб.
Јахынларынын билдирдијинә ҝөрә, Һаҹы Илгар билдириб ки, ону сахлајаркән ҝөзүнүн габағында ҹибинә наркотик гојублар. “Һазырда мәнә билдирирләр ки, ја наркотик иттиһамыны ја да ҹасуслуғу гәбул елә. 20 – 30 ил өнҹә Иранын Гум шәһәриндә тәһсил алдығым үчүн, сон ҝүнләр Иран вә Азәрбајҹан арасында мүнасибәтләрин ҝәрҝинләшмәси фонунда шәрләнәрәк сахланылмышам” – дејә руһани гејд едиб.
"Мизан Маариф Мәркәзи"нин тәсисчиси, руһани Руһуллаһ Новруззадә вә танынмыш руһани Һаҹы Сејран Рзајевин дә һәбс олундуғу билдирилир.
342/