Рихтер шкаласы илә 7,7 бал ҝүҹүндә олан јералты тәкан дүнән сәһәр саатларында Түркијәнин ҹәнубу, Суријанын исә шималыны титрәтди. Сон статистикалара ҝөрә, бу зәлзәләдә индијәдәк Суријада 1121 нәфәр һәјатыны итириб, 2400 нәфәр исә јараланыбдыр.
Бундан өнҹә Сурија авиасија тәшкилатынын сәдри билдирмишди ки, чәршәнбә ахшамы ҝүнү Иран, Бирләшмиш Әрәб Әмирликләри, Русија вә Һиндистандан һуманитар јардымлар дашыјан беш тәјјарә Дәмәшг вә Лазигијјә һава лиманларына дахил олаҹаг.
Сурија Хариҹи Ишләр Назирлији бир бәјанатда БМТ-јә үзв өлкәләр, бу тәшкилатын катиблији, Бејнәлхалг Гызыл Хач Комитәси вә саир һөкумәт вә гејри-һөкумәт органларындан зәлзәләдән ирәли ҝәлән инсан фәлакәтини һәлл етмәк үчүн бу өлкәјә вә бу өлкәнин һөкумәтинә јардым ҝөстәрмәләрини истәјиб.
Назирлик һәмчинин бу өлкә халгы илә һәмрәјлик ифадә едән вә бу чәтин шәраитдә она јардым етмәјә һазыр олдуғуну билдирән өлкә вә органлара сон дәрәҹә тәшәккүр едибдир.
342/