“НАТО Түркијәнин шантажына гаршы дурмалыдыр” (НАТО Муст Станд Уп то Туркеј’с Блаҹкмаил) башлығы илә охуҹулара тәгдим едилән тәһлилдә Азәрбајҹан вә Түркијә илә бағлы мүәјјән иддиалар јер алыб.
Јазыда Түркијәнин Исвеч вә Финландијанын НАТО-ја үзв олмасы үчүн сон дајанаҹаг олдуғу вурғуланыб. Түркијәнин НАТО-нун гоншулары үчүн стабилләшдириҹи ҝүҹ кими гарышыг рекорда малик олдуғуну јазан журнал Анкаранын Шәрги Аралыг дәнизиндә мүбаһисәли вә гејри-гануни газма ишләри апардығыны ирәли сүрүб.
"Түркијә Ливија илә енержи сазиши имзалајыб. НАТО мүттәфиги Јунаныстана гаршы агрессив риторикадан вә ҝүҹ нүмајишиндән истифадә едир" - мәгаләдә гејд олунуб.
“Фореиҝн Полиҹј” Түркијәнин Гафгаз сијасәтиндән, Бакы-Анкара мүнасибәтләриндән дә бәһс едиб.
Тәһлилдә иддиа олунуб ки, ики өлкәнин јахынлығы, Түркијәнин Азәрбајҹана дәстәји бөлҝәдәки проблемин һәллинә әнҝәл төрәтдир. Мәгаләдә рәсми Бакы вә Анкаранын Гафгазда сүлһ вә сабитлик тәрәфдары олмадыглары вурғуланыб.
342/