Бәјанатда дејилир: “Дүнјада анти-ислам тәблиғатларынын јер алдығы ҝүнүмүздә Азәрбајҹан һакимијјәтинин сон ҝүнләр даһа чох агрессија нүмајиш етдирдији инанҹлылара гаршы аддымлары да ејни ссенаринин тәркиб һиссәсидир. Ислама, шиәлијә гаршы дөзүмсүзлүк, сонунда нәтиҹәсизлик сәбәбиндән күтләви һәбсләрә туш ҝәлир. “Милләт вәклиндән” мәмуруна гәдәр һәр ҹәбһәдә һәдәфә алынан шиәлијә атылан иттиһамларын еффексизлији бу ҝүн Ирана гаршы әкс сијасәтин фонунда шәр вә бөһтанларла инанҹлыларын күтләви һәбсини һакимијјәт тәрәфиндән реаллашдырыб. Иран иттиһамы илә һәбс олунанларын Иранла һеч бир әлагәси олмадығы һалда сахта һәбсләрин јер алдығы бу әмәлијјатын архасында ҝизләнән һәдәф јалныз Исламдыр. Наркотика да дахил олмагла мүхтәлиф маддәләрлә шәрләнән бу шәхсләрин инанҹлы олдуғу һеч кәсдә шүбһә јаратмадығы һалда һакимијјәтин өз дағыдыҹы аддымына ҹәмијјәт тәрәфиндән һаглылыг дону олараг Ираны габартмасы онун сахта идарәчилијиндә јеҝанә һәгигәтдир.
Азәрбајҹан инанҹлысынын Иран вә саир өлкәләрин ҹәсус шәбәкәси кими тәгдим едиләрәк һәбси јалныз вә јалныз һакимијјәтин дини мәһдудлашдырма, әгидәни һәдәфә алынма сијасәтиндән башга бир шеј дејил”, - дејә Мүсәлман Бирлији Һәрәкатынын бәјанатында вурғуланыр.
342/