АБШ Конгресинин Нүмајәндәләр Палатасы мүсәлман депутат Илһан Өмәри Хариҹи Әлагәләр Комитәсиндән хариҹ едиб. Америка Конгресинин Нүмајәндәләр Палатасынын үзвү "Илһан Өмәр" узун мүддәтдир ки, Исраилин сијасәтини тәнгид едән вә бу режимин ҹинајәтләрини писләјән сөзләринә ҝөрә тәзјигләрә мәруз галыб. Нүмајәндәләр Палатасынын Хариҹи Әлагәләр Комитәсинин үзвү олан бу депутат дәфәләрлә Тәл-Әвивин фәләстинлиләрә гаршы һәрәкәтләрини, хүсусилә дә сионист режимин ҹинајәткар һүҹумларыны тәнгид едиб вә Вашингтондан Исраилә малијјә вә һәрби јардымларын ҝөстәрилмәси мәсәләсини јенидән нәзәрдән кечирмәсини истәјиб. Буна ҝөрә дә о вә АБШ Нүмајәндәләр Палатасынын диҝәр мүсәлман үзвү “Рәшидә Тәлаиб” Исраил әлејһинә мөвгеләри вә АБШ-ын Исраилә дәстәк сијасәтинә гаршы чыхдыглары үчүн узун мүддәтдир тәзјиг алтындадыр.
АБШ Нүмајәндәләр Палатасынын бу ики нүмајәндәси һәмишә АБШ-ын сионист режимин ҹинајәтләринә дәстәјини рәдд едибләр. Она ҝөрә дә Исраилин АБШ-дакы фәал лоббиләри тәрәфиндән тәзјигләрә мәруз галыблар. Бунунла белә, онлар һәмишә өз мөвгеләриндә исрарлыдырлар.
Нүмајәндәләр Палатасынын республикачы үзвү Мајк Уолс бунунла бағлы дејиб: Исраил вә АБШ-ын ортаг дәјәрләри вар вә јалныз бу дәјәрләри дәстәкләјәнләр Хариҹи Әлагәләр Комитәсиндә олмаға лајигдирләр.
Ханым Илһан Өмәр Хариҹи Әлагәләр Комитәсинин гәрарыны тәнгид едиб вә бу гәрарын иргчилик контекстиндә гәбул олундуғуну вурғулајыб.
Ҝөрүнән одур ки, Исраил һәлә дә АБШ-да өз тәсирини сахламаға чалышыр ки, анти-Исраил сијасәтләри Америка һөкумәтләринин гырмызы хәттинә чеврилиб. Лакин исламофобијаны јајмаг ҹәһдләринә вә АБШ-да Исраил лоббиләринин тәсиринә бахмајараг, бу өлкә ҹәмијјәти арасында анти-Исраил әһвал-руһијјәси ҝенишләнмәкдәдир.
342/