Азәрбајҹан Республикасына репрессијаларын давамында февралын 1-дә руһани Илгар Бәдәлов полис әмәкдашлары тәрәфиндән нәзарәт алтына алыныб.
Јахынларынын билдирдијинә ҝөрә, ҝүнорта саатларында сахланылан руһани Һаҹы Илгар Бәдәлов ахшам саатларында аиләси илә телефон данышығында Бинәгәди полис бөлмәсиндә сахланылдығыны билдириб.
Һаҹы Илгар билдириб ки, ону сахлајаркән ҝөзүмүн габағында ҹибимә наркотик гојублар. “Һазырда мәнә билдирирләр ки, ја наркотик иттиһамыны ја да ҹасуслуғу гәбул елә. 20 – 30 ил өнҹә Иранын Гум шәһәриндә тәһсил алдығым үчүн, сон ҝүнләр Иран вә Азәрбајҹан арасында мүнасибәтләрин ҝәрҝинләшмәси фонунда шәрләнәрәк сахланылмышам” – дејә руһани гејд едиб.
Башга мәлумата ҝөрә, "Мизан Маариф Мәркәзи"нин тәсисчиси, руһани Руһуллаһ Новруззадә дә һәбс едилиб. Онун өтән ҝүн Сураханы рајону мәһкәмәсиндә гапалы шәраитдә 234.4.3 маддәси илә мәһкәмәси кечирилиб вә мәһкәмәнин гәрары илә Руһуллаһ Новруззадәнин барәсиндә 4 ај һәбс гәтимкан тәдбири сечилиб.
Танынмыш руһани Һаҹы Сејран Рзајевин дә һәбс олундуғу билдирилир.
Хатырладаг ки, Дахили Ишләр Назирлијинин әмри илә Салам-Нјус вә Интераз медиа органларына да басгын едиләрәк онларла журналист вә фәал сахта иттиһамларла нәзарәт алтына алыныб.
342/