Һүсејн Әмир Абдуллаһиан рәсми тәмаслар үчүн Теһранда сәфәрдә олан Гәтәрин хариҹи ишләр назири Мәһәммәд бин Әбдүлрәһман Али Сани илә бирҝә мәтбуат конфрансында Гәтәр дөвләтинин "Ирана гаршы санксијаларын арадан галдырылмасы үзрә данышыгларын" уғур газанмасына јөнәлмиш сәјләрини јүксәк гијмәтләндириб вә әлавә едиб: "Гәтәр һәмишә нүвә мүзакирәләриндә иштирак едән тәрәфләри өз өһдәликләринә гајтармаға чалышыр вә бу ҝүн Гәтәрин хариҹи ишләр назири васитәсилә нүвә разылашмасы тәрәфләриндән месажлар алдыг".
Хариҹи ишләр назири вурғулајыб ки, Иран Ислам Республикасы һәмишә реҝионал диалогу алгышлајыб вә һесаб едир ки, диалог вә чијин-чијинә мәсулијјәт реҝион өлкәләри арасында сых вә давамлы әмәкдашлыг сәвијјәсинә наил олмаға вә беләликлә, реҝионда сүлһ вә коллектив тәһлүкәсизлијин бәргәрар олмасына јол ачыр.
Ејни заманда Әмир Абдуллаһиан дејиб: "Мән бу ҝүн Гәтәрин хариҹи ишләр назири иләҝөрүш заманы Американын вә Авропа үчлүјүнүн Ирандакы сон иғтишашларда мүдахиләчи вә гејри-конструктив мөвгеләрини нәзәрдән кечирдим. Амма биз санксијаларын арадан галдырылмасы үчүн данышыгларла бағлы мәсәләләрин һәлли илә бағлы Гәтәрдәки достларымызын һәр һансы тәшәббүсүнү вә ја вердији месажы алгышлајырыг.
Гәтәрин хариҹи ишләр назири "Мәһәммәд бин Әбдүлрәһман Али Сани" Иранын јүксәк сәвијјәли рәсмиләри илә ҝөрүшмәк вә фикир мүбадиләси апармаг үчүн базар ҝүнү Теһрана сәфәр едиб.
342/