Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, өтән ҝүн
23.01.2023 тарихдә сосиал шәбәкәләрдә јајымланан видеода ҝөрүндүјү кими Исвечли
ҹүһүд екстремист сијасәтчи Расмус Палудан Илаһи Китаб олан Гурани Кәрими јандырараг,
бүтүн Сәмави Дәјәрләри тәһгир едиб. Бу шәрәфсиз һәрәкәтин ардынҹа Үмумдүнја Әһли-Бејт
(ә) Ассамблејасы бәсирәтли вә виҹданы олан азад инсанлары бир чох гәрб дөвләтләриндә
сөз азадлығындан истифадә едәрәк Исламфобијалығы тәблиғ етмәк, нифрәт вә тәфригә
салмаг мәгсәди илә атылан бу мәнфур аддымы писләмәјә дәвәт едәрәк бәјанат јајыб.
Бәјанатда Үмумдүнја Әһли-Бејт (ә) Ассамблејасы дүнјанын бүтүн азадлыг севәрләрни, биликли вә виҹданлы инсанлары башгаларынын дини мүгәддәсликләрини тәһгир едәнләрлә мүбаризә апарыб, онларын ифадә азадлығынын тәзаһүрү кими гәләмә вүердикләри анти-исламизм вә ҹаһил исламофобијаја гаршы чыхмаларыны истәјиб.
Бәјанатын бир һиссәсиндә дејилир:
“Ифадә азадлығы бәһанәси вә өзүнү диҝәрләриндән үстүн зәнн етмәк руһијјәси илә инсан һүгугларына һөрмәт етдијини иддиа едән Гәрб дөвләтләри башгаларынын, хүсусилә дә мүсәлманларын мүгәддәсликләрини вә дини дәјәрләрини тәһгир етмәји иҹазәли һесаб едирләр. Мүсәлманлары тәһгир едән бу мәнфур һәрәкәт, глобалист вә ҹинајәткар бејнәлхалг сионизмин тәкәббүрлүјү илә дәстәкләнән вә тәһрик едилән бәшәријјәтин әхлаги, мәнәви вә һүгуги дәјәр вә стандартларыны ортадан галдырмаға јөнәлмиш бәд дүшүнҹә вә јанашмаларын нәтиҹәси вә гара тарихин бир һссәсидир.”
Үмумдүнја Әһли-Бејт (ә) Ассамблејасы билдириб: “Тәәссүф ки, бир чох Авропа өлкәләриндә башгаларынын дини мүгәддәсликләрини тәһгир етмәк нормал бир мәсәлә һесаб олунур. Бахмајараг ки, сөз азадлығынын дәјәриндән суи-истифадә һаллары илә гәти шәкилдә мүбаризә апармаг зәрури бир мәсәләдир.”
Диггәт: Хәбәрдән Истифадә Етдикдә Мәнбәјә Истинад Лазымдыр!