"АБНА", "Мисри Әл-Јәвм"-ә истинадән хәбәр верир ки, Әл-Әзһәр Университетинин витсе-президенти Мәһәммәд Әл-Зәвини һиҹри 1444-ҹү илдә бу өлкәдә Гурани-Кәримин һифзи вә тәфсири үзрә милли мүсабигәнин биринҹи мәрһәләсинин нәтиҹәләрини ачыглајыб.
О, бу мүсабигәнин икинҹи мәрһәләсинә 59 495 иштиракчынын кечдијини вурғулајараг дејиб: "Бу иштиракчылар үмуми халларын 80%-ни вә даһа чохуну топлајыблар. Онлардан 35 мин 845 нәфәри Мисирин бүтүн Гуран һифзи мәктәбләриндән, 23 мин 84 нәфәри Әл-Әзһәр мүәссисәләриндән, 566 нәфәри исә Әл-Әзһәр Университетиндәндир".
Бу Әл-Әзһәр рәсмиси вурғулады: "Бу мүсабигәнин икинҹи мәрһәләси февралын 25-дә башлајаҹаг".
Шејх Әл-Әзһәр Гурани-Кәрим јарышмасы һәр ил Шејх Әл-Әзһәрин нәзарәти алтында кечирилән Гуран јарышыдыр. Бу университетә бағлы Әл-Әзһәр мүәссисәләринин вә Гуран һифзи мәктәбләринин тәләбәләри вә мүхтәлиф вилајәтләрдәки Әл-Әзһәр Университетинин тәләбәләри бурада иштирак едирләр.
342/