Мәгаләдә дејилир: Өтән һәфтәнин сонларында Ислам Шурасы Мәҹлисинин сәдри сәдри Мәһәммәд Багир Галибаф Асија Ассамблејасы Тәшкилатынын 13-ҹү иҹласында иштирак етмәк үчүн Түркијәјә сәфәр едиб. Бу саммит чәрчивәсиндә о, түркијәли вә азәрбајҹанлы һәмкарлары илә икитәрәфли вә үчтәрәфли ҝөрүшләр кечириб. Бу ҝөрүшләрдә о, Гафгаз мәсәләси вә Гарабағда јаранмыш вәзијјәт, еләҹә дә реҝионун сәрһәдләринин дәјишдирилмәсинә гаршы Теһранын мөвгеји барәдә данышыглар апарыб. Мәҹлис сәдри Иран Ислам Республикасынын бөлҝәнин сәрһәдләриндә һәр һансы дәјишиклији гәбул етмәдијини гәтијјәтлә вурғулајараг, Азәрбајҹан Республикасы илә анлашылмазлыгларын олдуғуну вә бу мәсәләләрин һәлл олундуғуну бәјан едиб. Бундан башга, о ҝәләҹәкдә Бакыја сәфәр едәҹәјини дә ачыглајыб.
Сөзсүз ки, гоншу дөвләтләрлә бу ҝөрүшләр вә данышыглар даһа чох јахынлашмаға, ҝәрҝинлијин азалдылмасына вә реҝионал әмәкдашлығын сәвијјәсинин јүксәлмәсинә сәбәб ола биләр. Хүсусилә дә она ҝөрә ки, стратежи Гафгаз реҝионунда бәзи өлкәләр Иран Ислам Республикасынын ҝеосијаси нүфузуну азалтмаға чалышырлар. Амма реаллыг ондан ибарәтдир ки, тәхминән ики ил әввәлдән биз сионист режимин, еләҹә дә америкалыларын вә инҝилисләрин Гафгаз реҝионунда мөвҹудлуғу вә мүдахиләсинин шаһиди олуруг. Түркијә вә Азәрбајҹан да өз марагларыны транс-реҝионал һөкумәтләрлә үст-үстә салараг НАТО-нун Туран дәһлизини формалашдырмаға чалышырлар.
Мәгаләдә сонра гејд олунур: Икинҹи Гарабағ мүһарибәси заманы Азәрбајҹанын ишғал олунмуш әразиләри азад едилиб. Амма бундан сонра Бакынын мүдафиә сијасәти агрессив стратеҝијаја чеврилди. Онлар Ермәнистанын бәзи һиссәләрини ишғал етмәјә чалышырлар. Бакы Ермәнистанын Сүник вилајәтинин Иран сәрһәди вә Араз чајы јахынлығындакы һиссәләрини зорла ишғал етмәк истәјир. Бу һалда Нахчывана чыхыш әлдә етмәклә бирбаша Түркијәјә чатаҹаглар вә Шимал-Ҹәнуб транзит дәһлизинә мејдан охујаҹаглар.
Мәгалә мүәллифи әлавә едиб: Азәрбајҹан президенти бу јахынларда етираф етди ки, Зәнҝәзур дәһлизи мәсәләсиндә онун үчтәрәфли сазишиндә гејд олунанлардан даһа чох тәләбләри вар. О конкрет олараг дејиб: “Дүздүр, орада Зәнҝәзур дәһлизи" сөзү јохдур. Лакин һәмин бәјанатда ачыг шәкилдә гејд олунур ки, нәглијјат әлагәси олмалыдыр. Ҝеосијаси енсиклопедијаја Зәнҝәзур дәһлизи терминини шәхсән мән дахил етдим!”
342/