бу барәдә Форбес нәшри мәлумат јајыб.
Форбес журналындакы мәгаләјә ҝөрә, Ермәнистан Һәрби Һава Гүввәләринин дөрд СУ-30СМ гырыҹы тәјјарәсини тәкмилләшдирмәк үчүн Һиндистандан системләр тәләб едә биләр.
Мәлуматда гејд олунур ки, Ермәнистан Һиндистанын Русија истеһсалы олан Су-30СМ Фланкер гырыҹылары үчүн силаһ тәдарүкү вә дөјүш пилотларынын һазырланмасында мараглыдыр.
Мәгаләдә дејилир ки, һинд мүһәндисләри ермәни тәјјарәсини Астра вә һәтта БраһМос ракетләрини дашымаг үчүн дәјишдирә биләрләр.
Һиндистан вә Ермәнистан арасында мүдафиә әлагәләри сон ајларда нәзәрәчарпаҹаг дәрәҹәдә артыб. Ирәван 2022-ҹи илдә тәхминән 250 милјон АБШ доллары дәјәриндә дөрд батареја сифариш етдикдән сонра Һиндистанда истеһсал олунан Пинака реактив ракет системинин илк хариҹи мүштәриси олду. Бундан әлавә, ики өлкә Азәрбајҹанын Пакистанла һәрби әлагәләрин инкишафындан нараһатдыр.
Лакин мәсәлә бунунла битмир, Ҹәнуби Гафгазда јени силаһланма јарышынын гызышаҹағыны ҝөзләмәк лазымдыр.Конкрет олараг Ермәнистанын истәнилән әлавә Су-30 алмасы Азәрбајҹаны мүасир гырыҹылар әлдә етмәклә ҹаваб вермәјә сөвг едә биләр.
342/