Ҹејһун Бајрамовун Америка Бирләшмиш Штатлары дөвләт катибинин Авропа вә Аврасија мәсәләләри үзрә көмәкчиси Карен Донфридлә сөһбәтиндә дејиб ки, пост-мүнагишә дөврүндә Азәрбајҹан-Ермәнистан мүнасибәтләринин нормаллашмасы илә бағлы Азәрбајҹан тәрәфинин бир сыра конструктив тәшәббүсләринә бахмајараг, Ермәнистан тәрәфиндән просесә давамлы әсасда мүхтәлиф тәхрибатларла манечилик төрәдилдилир.
Назир бу хүсусда, Ермәнистан тәрәфиндән 10 нојабр 2020-ҹи ил тарихли Үчтәрәфли Бәјанат үзрә өһдәликләрин кобуд шәкилдә позулмасына, Лачын јолундан һәрби тәхрибатлар, о ҹүмләдән миналарын ганунсуз дашынмасы вә јерләшдирилмәси, гејри-гануни игтисади фәалијјәт вә тәбии сәрвәтләрин таланмасы, үчүнҹү өлкә вәтәндашларынын ганунсуз кечиди мәгсәдилә истифадә олунмасы кими фактлара тохунуб.
Ҹејһун Бајрамов һәмчинин Лачын јолунун Азәрбајҹан тәрәфиндән бағланмасы нәтиҹәсиндә ермәни сакинләрин “блокада”ја алынмасы, бөлҝәдә “һуманитар фәлакәт” јаранмасы барәдә иддиаларын тамамилә әсассыз олдуғуну билдириб.
342/