бу барәдә јанварын 7-дә ҝүнорта Ермәнистан КИВ-и мәлумат јајыб.
Мәлумата әсасән, Баласанјанын јеринә әввәлләр Гарабағын “Милли Тәһлүкәсизлик Хидмәти” рәһбәринин биринҹи мүавини олмуш Арарат Мелкумјан тәјин едилиб.
“Ишдән чыхарылманын сәбәби ачыгланмыр, лакин јерли мүшаһидәчиләр дәфәләрлә гејд едибләр ки, Баласанјанла Гарабағ сепаратчыларынын јени лидери Рубен Варданјан арасында ҹидди зиддијјәтләр вар. Бу, Рубен Варданјанын бу јахынларда Ханкәндидә тәшкил етдији митингдә хүсусилә нәзәрә чарпыб. Баласанјан нүмајишкаранә шәкилдә митингдә иштирак етмәјиб.
Гејри-рәсми мәлумата ҝөрә, Витали Баласанјан Бакынын әлагә сахладығы шәхсдир. Белә ки, мәһз Баласанјан Лачында ермәниләрлә үнсијјәтдә олуб, онлары сакитҹә, јашајыш мәнтәгәләринә зијан вурмадан шәһәри вә әтрафдакы кәндләри тәрк етмәјә чағырыб. Бу сәбәбдән Баласанјаны хәјанәтдә вә Бакыдан ҝәлән әмрләри јеринә јетирмәкдә иттиһам едибләр.
Өз нөвбәсиндә Азәрбајҹан рәһбәрлији билдириб ки, Гарабағ ермәниләрилә әлагә сахлајыр, лакин Москванын әлалтысы Рубен Варданјанла мүнасибәт гурмајаҹаг.
Гарабағда Бакы илә данышыглар апармаға һазыр оланларын кәнарлашдырылмасы о демәкдир ки, Варданјан Азәрбајҹан һакимијјәтилә сәрт гаршыдурма хәттини давам етдирмәк нијјәтиндәдир.
342/