“Ишғалдан азад олунмуш әразиләрдә јатагларымызын ганунсуз истисмары вә еколоҝијанын позулмасы истигамәтиндә һәр һансыса бир ирәлиләјиш јохдур”.
Еколоҝија вә Тәбии Сәрвәтләр Назирлијинин Дөвләт Еколожи Тәһлүкәсизлик Хидмәтинин рәиси Һикмәт Әлизадә илин јекунларына һәср олунмуш мәтбуат конфрансында дејиб.
О гејд едиб ки, бунун үчүн иҹтимаи фәаллар тәрәфиндән аксија кечирилир: “Аксијачыларын тәләбләри чох нормалдыр. Онлар сөзүҝедән әразидә мониторингләрә разылыг верилмәсини тәләб едирләр.”- Һикмәт Әлизадә дејиб.
О нәтиҹә әлдә олунана гәдәр аксијаларкын давам етдириләҹәјини билдириб.
Гејд едәк ки, бир груп азәрбајҹанлынын Ханкәнди-Лачын јолунда башлатдығы етираз аксијасы ијирми алты ҝүндүр давам едир.
Аксија иштиракчылары мүвафиг дөвләт гурумлары тәрәфиндән ҝүн әрзиндә олдуғу кими, ҝеҹәдән сәһәрәдәк давамлы шәкилдә исти јер, исти чај вә гидаларла тәмин олунурлар.
Аксијанын башландығы ҝүндән Франса вә АБШ башда олмагла гәрб өлкәләри вә Авропа гурумлары вә сималары Азәрбајҹаны Гарабағдакы ермәниләрә гаршы сојгырымы планлашдырмагда иттиһам едәрәк ермәниләрин блокадасына дәрһал сон гојмаға чағырырлар. Азәрбајҹан Республикасы исә сөзү ҝедән аксијанын мәгсәдинин Гарабағдакы ермәниләри блокадаја алмаг олмадығыны вә садәҹә тәбии сәрвәтләрин таланмасына имкан вермәмәк нијјәти дашыдығыны билдирир.
342/