БМТ Тәһлүкәсизлик Шурасынын Лачын дәһлизи әтрафында вәзијјәтлә бағлы бәјанаты Франсанын мөвгејинә ҝөрә гәбул едилмәјиб. Бу барәдә декабрын 31-дә Русијанын БМТ-дәки даими нүмајәндәсинин биринҹи мүавини Дмитри Полјански мәлумат вериб.
"Ирәванын тәләби илә бу просеси франсызлар координасија едирди вә онлар бизим тәклифләримизин бөјүк әксәријјәтинә мәһәл гојмајыб, ејни заманда Тәһлүкәсизлик Шурасынын диҝәр үзвләринин дүзәлишләрини нәзәрә алыблар. Парисин бу натәмизлији ҝөз габағындадыр", - Полјански вурғулады.
"Һәм Бакы, һәм дә Ирәванын дәстәкләдији дөрд бирҝә бәјанат нормаллашма үчүн әсас олараг галыр. Лакин Франса һазырладыҝы бәјанат үзәриндә иш заманы Гәрб тәрәфдашларымыз бу сәнәдләри вә Русија сүлһмәрамлыларынын сәјләрини гејд етмәјә ҹәсарәт тапмадылар", дејә Полјански гејд едиб.
Дипломат билдириб ки, “гәрблиләр” мүнагишәнин һәлли үчүн тәдбирләр һазырламаға дејил, Тәһлүкәсизлик Шурасындан бәјанат гәбул етмәјә чалышырлар.
Гејд едәк ки, бәјанатын мәтнинин мүзакирәси 10 ҝүн давам едиб. Сәнәддә Гарабағдакы вәзијјәти “һуманитар фәлакәт” адландырылыр вә Бакынын һәрәкәтләри писләнир.
Бөјүк Британија, Бирләшмиш Әрәб Әмирликләри, Албанија вә Русија мәтнә өз тәклифләрини верибләр. Лакин Франса онлары гәбул етмәјиб. Консенсус олмадығына ҝөрә Франса Парисин декабрын 20-дә Тәһлүкәсизлик Шурасынын иҹласында тәгдим етдији бу сәнәди ҝери ҝөтүрмәк мәҹбуријјәтиндә галыб.
342/