Тәшкилатын бәјанатында дејилир: Илин әввәлиндән сонуна гәдәр һәрәкат үзвләри абсурд наркотик иттиһамы илә үзләшдиләр. Бу сырада Рази Һүмбәтов 6 ил,Елшән Аббасов 2 ил һәбс ҹәзасы алсалар да ағыр наркотик иттиһамларыјла шәрләнәрәк һәбс олунан Шаһин Гәдирли Самир Бабајев, Ниҹат Әлијев, МирТофиг Һүсејнов, Маһир Әзимовун истинтаг вә мәһкәмәләри һәлә дә давам едир. Инанҹлылар Сәбуһи Сәлимов 16 ил, Фәган Мәммәдов 6 ил охунсада диҝәр инстансија мәһкәмәсинин гәрары илә сонра 2ил азадлыгдан мәһрум етмә илә әвәз едилмәси, Мәддаһ Вүгар Рәсулун ејни, 234.4.3. маддәси илә ҹинајәт ишинә ҹәлб едилмәси инанҹын һәдәфдә олмасыны ҝөстәрән нөвбәти нүмунәдир.
Диҝәр тәрәфдән илләрдир һәллини тапмајан сәнәдләрдә баш өртүјүнә сүни гадаға тәтбиги бу ил дә һәлл олунмајан проблемләр сырасында галды. Сијаси дүшүнҹәсинә ҝөрә мәсҹидләрдән говулан руһаниләрин хариҹдә тәһсил алмасы бу илин ән чох һәдәфә алынан һадисәләри сырасында јер алды. Инанҹа гаршы полис идарәләриндә тәһгир, ән аҹынаҹаглысы исә ишҝәнҹәләр заманы Аллаһын тәһгир олунмасы да бөјүк нараһатлыглара јол ачан илин һадисәләриндән иди.
Бәјанатда һәмчинин гејд олунур: Битирдијимиз ил өлкәдә дини саһәдә чалышан медиа органларынын фәалијјәти сүни мәһдудлашдырылды. Диварда “Ја Һүсејн” адынын јазылмасы, мәсҹидләрин, зијарәтҝаһларын гапыларына дини бајраглар вурулмасына маниә, азјашлы ушагларын мәсҹидә бурахылмамасы да гадағалар сырасында јер алды. Һәбсханаларда инанҹлылара гаршы давранышларда јетәринҹә ганун позунтусу илә мүшаһидә олунан тәзјигләр иллик таблосунда јер алды.
342/