һакимијјәтә јахын медиа органларында адәтән өлкәдә проблемләрә сәбәб кими гејд едилән груплашмаларда адлары чәкилир вә һазырда кланларарасы мүбаризә чәрчивәсиндә арзуолунмаз шәхс сајылан фигурлар бир-бир јола салыныр.
Мүстәгил експерт Әрәстун Оруҹлу Азәрбајҹан Республикасында һакимијјәт бөлҝүсү принсипинин ишләмәдијини, амма һакимијјәтдахили груплашмаларын мөвҹудлуғу вурғулајыр.
Сијаси шәрһчи Әрәстун Оруҹлу бу барәдә Азадлыг Радиосуна билдириб ки, Азәрбајҹанда мөвҹуд һакимијјәтин дахилиндә груплашмаларын олмасы тамамилә анлашылан тенденсијадыр: "Она ҝөрә ки, тоталитар вә авторитар һакимијјәтләрдә мүхалифәтин, мүстәгил медиа институтларынын, вәтәндаш ҹәмијјәтинин зәифләдилмәси она ҝәтириб чыхарыр ки, һакимијјәт уғрунда мүбаризә һакимијјәтин дахилинә кечир. Азәрбајҹанда да белә олуб".
Азәрбајҹанда рәсмиләр әлбәттә ки, белә фикирләри гәбул етмирләр. Онлар һесаб едирләр ки, өлкә сивил, демократик гајдаларла идарә едилир.
Ә.Оруҹлунун фикринҹә исә, әсас груплашмалар арасында ҝедән мүбаризә Илһам Әлијевин әлиндә ҹәмләшиб.
Политолог һесаб едир ки, бу вәзијјәт дәјишмәјәҹәк: "Ислаһатлар да олмајаҹаг, чүнки ислаһатлар тәкҹә ҹаван кадрлардан асылы дејил. Бу ҹаван кадрлар садәҹә менеҹерләрдир, иҹрачылардыр. Ислаһатларын апарылмасы үчүн илк атылмалы олан аддым һакимијјәт ганадларынын, һеч олмаса, минимал мүстәгиллијинин тәмин олунмасыдыр. Бунларын исә ҝетдикҹә сәлаһијјәтләри бир гәдәр дә мәһдудлашдырылыр".
342/