Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Бирләшмиш
Милләтләр Тәшкилатынын баш катибинин мүшавири вә тәшкилатын Ирагдакы ИШИД ҹинајәтләри
илә бағлы арашдырма групунун рәһбәри Кристиан Ричард Нәҹәф Әшрәфдә Шиә дүнјасынын
Али Тәглид Мәрҹәси Ајәтуллаһ Сејид Әли Систани илә ҝөрүшүб вә сөһбәт едиб.
Ричард бу ҝөрүшдән сонра мәтбуат конфрансында дејиб:
“Командам һесаб едир ки, бүтүн гурбанларын ијерархија олмадан ҹинајәткарлары тәгиб етмәк һүгугу вар.”
О әлавә едиб:
“Командам вә мән ҹәнаб Систани илә ҝөрүшмәкдән бөјүк шәрәф дујдуг”.
Риҹһард давам едиб:
“Тәдгигат групу јарадыландан бәри биз ҹәнаб Систанинин нәзакәтини рәһбәр тутмушуг вә онун истәји сүлһ вә әдаләт олмушдур. Командамыз үмид едир ки, Ајәтуллаһ Систанинин, зоракылыг вә сојгырым ҹинајәтләринин Сурија вә Ирагдан дәф олмаг истәјини һәјата кечирә биләҹәјик”.
О, һәмчинин вурғулајыб:
“Биз ИШИД террорчуларынын ҹинајәтләриндән әзијјәт чәкән бүтүн иҹмалары унуда билмәрик вә ИШИД-ин ҹинајәтләри Ираг мәдәнијјәтинин вә онун сосиал гурулушунун мүхтәлифлијинин мәһв едилмәси истигамәтиндә һәјата кечирилиб”.
Ајәтуллаһ Систанинин дәфтәрханасы да бәјанат јајыб:
“Бу сәһәр, Ирагын Али Тәглид Мәрҹәси Бирләшмиш Милләтләр Тәшкилатынын ИШИД-ин (УНЫТАД) ҹинајәтләри үзрә истинтаг групунун рәһбәри Кристиан Ричарды гәбул едиб. Бу ҝөрүшдә Ричард бу команданын јарандығы 2017-ҹи илдән индијәдәк ҝөрдүјү ишләр барәдә гыса изаһат вериб”.
Бу бәјанатда билдирилир ки, Ајәтуллаһ Систани Ричардла ҝөрүшүндә ираглыларын ИШИД террорчулары илә мүбаризә саһәсиндә бөјүк гәләбәсини хатырладыб вә бу бөјүк тарихи наилијјәтә наил олмаг јолунда Ираг гүввәләринин шүҹаәт вә фәдакарлыгларыны јүксәк гијмәтләндириб.
“Бу гәти гәләбә олмасајды, ИШИД үнсүрләрини тәгиб етмәк вә онларын ираглылара гаршы төрәтдикләри ҹинајәтләрә, хүсусән дә гәтл, әсир ҝөтүрмә, ҹинси тәҹавүз, зорлама вә Ирагын гәдим абидәләринин дағыдылмасы ҹинајәтләринә ҝөрә ҹәзаландырылмасы мүмкүн олмазды”- дејә Ајәтуллаһ Сејјид Систани һәзрәтләри билдирибләр.
Ајәтуллаһ Систани БМТ-нин баш катибинин мүшавири вә грумун Ирагдакы нүмајәндәсинә билдириб ки, түркмән вә језиди күрд гадынларынын Суријадакы ИШИД террор тәшкилатынын әсарәтиндән азад едилмәси уғрунда чалышмағын вә гачгынлара тәзминатларын өдәнилмәси үчүн тәсирли аддымларын атылмасынын ваҹиблијини вурғулајыб вә бу саһәдә онлара уғурлар арзулајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!