Назирлијин ачыгламасында дејилир ки, ишғалдан азад едилмиш әразиләрдә бу ҝүнәдәк мүһәндис-истеһкам бөлмәләри тәрәфиндән 29113 һектардан артыг әрази мина вә партламамыш дөјүш сурсатларындан тәмизләниб.
Гејд олунур ки, үмумиликдә 10185 әдәд пијада әлејһинә, 2580 әдәд танк әлејһинә мина вә 10445 әдәд партламамыш дөјүш сурсаты ашкарланараг мәһв едилиб.
Хатырладаг ки, декабрын 5-дән 10-дәк олан дөврдә Тәртәр, Ағдам, Фүзули, Лачын, Шуша, Хоҹавәнд, Губадлы, Ҹәбрајыл вә Зәнҝиланда 1 пијада әлејһинә мина, 3 танк әлејһинә мина вә 47 Партламамыш Һәрби Сурсат ашкарланыб.
Азәрбајҹан рәсмиләринин дедијинә ҝөрә, Гарабағда мина проблемини һәлл етмәк үчүн Азәрбајҹана тәхминән 30 ил вә 25 милјард доллар лазымдыр.
Хатырладаг ки, 2020-ҹи илин нојабр - 2022-ҹи илин 06 октјабр тарихләри арасында, мина партлајышлары нәтиҹәсиндә 44 нәфәр һәлак олуб, 213 нәфәр мүхтәлиф дәрәҹәли бәдән хәсарәтләри алыб вә ја зәрәрчәкиб. Бу дөвр әрзиндә һәлак олан вә зәрәрчәкәнләрин ҹәми сајы 257 нәфәр тәшкил едиб.
Әразиләрдә мина тәһлүкәси гачгынларын өз доҝма тоерпагларына гајытмаларына мане олур.
342/