Сионист режимин инфраструктуруна мүхтәлиф групларын киберһүҹумлары вә һәјати әһәмијјәтли мәлуматларын әлә кечирилмәси вә онларын јајылмасы бу режимин бош кибер әзәмәтини дағыдыб.
"КАН" телеканалынын мәлуматына ҝөрә, режимин тәһлүкәсизлик гуруму бир ил әрзиндә бир һакер групунун Исраилин онларла тәһлүкәсизлик камерасыны нәзарәтә ҝөтүрдүјүнү билсә дә, буна гаршы һеч бир тәдбир ҝөрмәјиб. Нәтиҹәдә груп кечән ил һәрби објектләр вә кечән ај Гүдсдәки һүҹум да дахил олмагла ишғал олунмуш әразиләрин һәр јериндән ҝөрүнтүләри јајымлајыб.
Бу филмләрдән бириндә Һајфадакы "Рафаел" һәрби мәдән ширкәтинин әтраф әразиләринин ҝөрүнтүләри дәрҹ олунуб. Һәмчинин Гүдс вә Тәл-Әвивдәки тәһлүкәсизлик камераларынын ҝөрүнтүләри дәрҹ едилиб.
Кан телевизија каналы әлавә едиб: Бу һакер групу "Мусанын Әсасы" адланыр вә камералары һәрәкәт етдириб бөјүтмәји баҹарыб. Онлар узун мүддәт камералара нәзарәт едибләр. Камераларын һакерләрә гаршы мүһафизә олунуб-олунмамасы һәләлик бәлли дејил.
"Мусанын Әсасы" кими танынан һакер групу өтән ил нојабрын сонларында сионист режимин һөкумәт мәлуматларыны әлдә етдикләрини вә 5 сантиметр дәгигликлә бу режимин һәјати објектләри илә бағлы хәритәләр вә мүһүм мәлуматлары әлә кечирдикләрини ачыгламышды.
Ливанын "Әл-Модун" хәбәр сајты билдириб ки, сөзүҝедән мәлуматда ишғал алтында олан Фәләстинин диҝәр бөлҝәләриндән 3Д ҝөрүнтүләри еһтива едир.
Бунунла да јухарыда ады чәкилән груп ишғал олунмуш Фәләстиндәки әразиләрин дәгиг һавадан ҝөрүнтүләринин әлдә едилмәсинә мане олан "бејнәлхалг ембарго"дан јан кечә билиб.
Бу груп сионист режимин һәјати әһәмијјәтли објектләринин фотошәкилләрини вә хәритәләрини әкс етдирән бир видео лент јајымлады, Мусанын Әсасы һакер групу елан етди ки, бу видео сындырылмыш вә әлә кечирилмиш тәфәррүатлы ҝөрүнтүләрә нүмунәдир.
342/