Конгресмен Адам Шиффин рәһбәрлик етдији конгресменләр групу президент Ҹо Бајденә јаздығы мәктубда Азәрбајҹанын Гарабағ ермәниләрини блокадаја салмасына ҹаваб олараг АБШ һөкумәти гәтијјәтли аддым атмаға чағырылыб. АБШ-ын Азәрбајҹана һәрби јардымыны дајандырмасы вә Гарабағ ермәниләринә јардым диҝәр тәләбләр сырасындадыр.
Азәрбајҹан декабрын 12-дән Дағлыг Гарабағы Ермәнистанла бирләшдирән јеҝанә јол олан Лачын дәһлизини блокадаја алыб. Иддиа олунур ки, 120.000 нәфәри әһали әрзаг, тибби ләвазимат вә нәглијјат вә диҝәр зәрури малларын бөјүк бир һиссәсини тәмин едән маршрута чыхышыны итириб. Әлавә мәлуматларда иддиа олунур ки, Азәрбајҹан әразидәки мүлки әһали үчүн тәбии газын әсас мәнбәләриндән бирини бағлајыб вә температурун ашағы дүшмәси илә он минләрлә инсаны чәтин вәзијјәтдә гојуб.
АБШ конгресменләринин мәктубунда дејилир: “Вәзијјәт белә давам едәрсә, потенсиал фаҹиәви нәтиҹәләри олан һуманитар бөһран гачылмаздыр. Бундан башга, Азәрбајҹанын һәрәкәтләри 10 нојабр 2020-ҹи ил тарихли үчтәрәфли атәшкәс бәјанатынын бирбаша позулмасыдыр. Бу бәјанатда вәтәндашларын, нәглијјат васитәләринин вә јүкләрин Лачын дәһлизи илә һәр ики истигамәтдә тәһлүкәсиз һәрәкәтини тәмин етмәк өһдәлији өз әксини тапыб”.
Конгресменләр АБШ Администрасијасны Гарабағ ермәниләринин тәһлүкәсизлијини тәмин етмәк үчүн әлиндә олан бүтүн васитәләрдән истифадә етмәјә чағырырыблар. “Биз Азәрбајҹанын ишғалчылыг вә һәдә-горху сијасәтинин давам етмәсинә имкан верә билмәрик”, - дејә конгресменләр билдирибләр.
342/