Бу һагда Ханкәнди вә Ирәвандакы ермәни мәнбәләри мәлумат јајыб.
Ағдәрә шәһәриндә бир груп сакин гаршысында чыхыш едән сепаратчы режимин "дөвләт назири" Варданјан Азәрбајҹанын Лачын јолуну бағлы сахладығы бир шәраитдә Гарабағдакы һајкларын ики јолу олдуғуну билдириб.( “ја тәслим олмаг, ја да мүбаризә, мүһарибә апармаг”)
О, сојдашларыны мүбаризәјә сәсләјәрәк “Азәрбајҹана гаршы саваш апармаг үчүн бирләшмәк” лазым олдуғуну вурғулајыб...
Варданјан Тәртәр вә Кәлбәҹәр рајонлары әразисиндәки рәсми Бакынын мониторингини тәләб етдији Гарабағдакы әсас мәдәнләрдән бириндә - “Дәмирли”дә дә олуб вә һәмин мәдәнләри истисмар едән “Басе метал” ширкәтинин әмәкдашлары вә фәһләләријлә ҝөрүшүб...
Даһа сонра Р.Варданјан Хоҹавәнд шәһәринә јолланыб. Орадакы һајклар гаршысында чыхыш едән Варданјанын әсас тезисләриндән бири бу олуб: “Азәрбајҹанлылар анламады ки, бу блокада илә -Лачын јолуну бағламагла бизи даһа да бирләшдирирләр”... О, вурғулајыб ки, "биз ситуасијаны сыфырламышыг вә сәһвләримизи дүзәлдәрәк мүбаризәјә јенидән башламалыјыг..."
Хатырладаг ки, Р.Варданјан бундан өнҹә декабрын 16-да ертәси ҝүн нојабрын 17-ә Ханкәндиндә тәјин етдији күтләви митинги тәхирә салыб вә “бөлҝәләрә ҝедәрәк инсанларла ҝөрүшүб мәсләһәтләшмәјин ваҹиб олдуғуну” билдириб.
Онун митинги тәхирә салыб ермәниләрлә ҝөрүшләр тәшкил етмәсинин митингә даһа чохлу сајда адам ҹәлб етмәк мәгсәди ҝүддүјү барәдә еһтималлар сәсләндирилир.
342/