Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Ирагын әл-Һәшд
әш-Шааби Тәшкилатынын Рәһбәри ҹәнаб Фалеһ Фәјјаз, ИШИД үзәриндә гәләбәнин бешинҹи
илдөнүмү мүнасибәти илә вердији ачыгламасында дејиб: Бүтүн Ираг халгы бу гәләбәјә
шәрикдир вә бу бөјүк наилијјәтин дәстәјә вә мүдафиәјә еһтијаҹы вар. Дүшмәнләр ҝизли
фәалијјәт ҝөстәрирләр. Террор үзәриндә гәләбә милләтин бирлијини горумаға көмәк
едир. Бу гәләбәјә гаршы суи-гәсд вә мәкирли планлар мүхтәлиф үсулларла, тәһлүкәсизлији,
сијаси вә иҹтимаи сабитлији позмагла һәјата кечирилир.
О әлавә едиб ки, әл-Һәшд әш-Шааби тәһлүкәсизлик тәшкилатыдыр, лакин онун фәргли хүсусијјәти сијаси шүурлу олмасыдыр вә шәһидләр вермәклә варлығыны сүбут едиб. Аҝаһлыг бир силаһдыр ки, Һәшду Шааби онун көмәји илә өз дүшмәнләринә вә Ираг халгынын дүшмәнләринә гаршы мүбаризә апарыр.
Фалеһ Фәјјаз һөкумәтә дәстәк олдугларыны вурғулајаркән дејиб: Биз Ирагын сечилмиш һөкумәтини дәстәкләмәлијик ки, ислаһат планыны тәгдим етмәк үчүн лазыми имкана малик олсун.
Әл-Һәшд әш-Шабинин рәһбәри вурғулајыб: Суверенлик вә шәһидлик мөвсүмүнүн башландығыны елан едирик. Шәһид командирләр дүшмәнин ҝөзүндә бир тиканыдыр. Биз һамымыз бу өлкәнин Әбу Меһди әл-Мүһәндисинин мүдафиәсиндәјик. Биз һамымыз Гасым Сүлејманијик!
Диггәт: Хәбәрдән Истифадә Етдикдә Мәнбәјә Истинад Лазымдыр!