Дөвләт Тәһлүкәсизлик Хидмәтинин (ДТХ) мухтар республикада ард-арда кечирдији әмәлијјатлардан сонра Талыбов ерасынын битдијинә даир еһтималлар ҝүндәмә ҝәлди. Нахчыван “хан”ынын тәҹили Бакыја чағырылмасы вә узунмүддәтли мәзунијјәтә ҝөндәрилмәсиндән сонра бу еһтималлар даһа да гүввәтләнди.
Ахар.аз Јенисабаһ.аз-а истинадән хәбәр верир ки, тәхминән 30 илдән сонра һүгуг-мүһафизә органларынын Нахчыванда әмәлијјат кечирмәси ҹәмијјәти силкәләјиб. Тохунулмазлығы илә ад чыхаран Али Мәҹлис сәдринин ән јахын адамларынын бир-биринин ардынҹа мәһбәсә ҝөндәрилмәси чохсајлы суаллар доғурду. Һәлә дә бир чох аналитик Нахчыван һадисәләринин пәрдәархасыны чөзмәјә, һадисәләрин бундан сонракы инкишафына даир прогноз вермәјә чәтинлик чәкир.
Мәлуматлара ҝөрә, јахын ҝүнләрдә Нахчыванда һәбсләрин нөвбәти далғасы башлајаҹаг. Мәнбә дејиб ки, һүгуг-мүһафизә органларынын пешәкар әмәкдашларындан тәшкил олунмуш вә бир мүддәт әввәл Нахчывана езам едилмиш хүсуси груп нөвбәти һәбсләр үчүн зәмин һазырлајыб.
Бу арада Нахчыван Мухтар Республикасынын кәнд тәсәррүфаты назири Бәһруз Бајрамов изаһаты алынмасы үчүн Бакыја ҝәтирилиб.
О иддиа едиб ки, Сәһијјә Назирлијинин бүтүн рәһбәрләри вә баш һәкимләр дә ДТХ-ја чағырылыб вә ифадәләри алыныб.
Мәлуматлы шәхсин сөзләринә ҝөрә, Васиф Талыбовун Нахчывана гајытмамасы бу просеси бир гәдәр дә сүрәтләндириб.
342/