Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Ирагын мүгәддәс
Кәрбәла шәһәриндә “Ајәтуллаһ Узма Мирзә Мәһәммәд Тәги Ширазинин шәрәфинә кечирилән
гурултај” базар ҝүнү ахшам өз ишини баша чатдырыб.
Фәалијјәтинин сонунда бу бејнәлхалг топлантынын тәшкилатчылары, конгресин кечирилмәсиндә онлара көмәклик ҝөстәрән бир сыра мәркәз вә гурумлара тәшәккүрләрини билдирибләр. Тәгдир олунан мәркәзләрдән бири дә АБНА Хәбәр Аҝентлији олуб.
Белә ки, Имам Һүсејнин (әлејһис-салам) мүгәддәс һәрәминин елми тәдгигат голу олан Кәрбәла Тәдгигатлары вә Арашдырма Мәркәзинин рәһбәри профессор Әбдүл Әмир әл-Гурејши АБНА Хәбәр Аҝентлијинин баш директору Һөҹҹәтүл Ислам вәл Муслимин ҹәнаб Һүсејни Арифә, Мирзаји Ширазинин Конгрес хәбәрләрини ишыгландырмагдакы фәалијјәтинә ҝөрә һејкәл бағышлајараг, тәшәккүр едиб.
Гејд едәк ки, Кәрбәла шәһәринин алимләриндән бири олан Ајәтуллаһ Узма Мирзә Мәһәммәд Тәги Ширазини Анма Гурултајы “Кәрбәла Алимләринин Ирсинин Дирчәлиши Үмумдүнја Конгреси” ады алтында вә Кәрбәла үләмаларынын әсәрләрин хатырланмасы вә дирчәлдилмәси мәгсәдилә кечирилән бејнәлхалг конфранслар силсиләсинин үчүнҹүсүдүр.
Бу конгресләрин тәшкилатчысы Имам Һүсејнин (ә) мүгәддә һәрәминин елми голу олан “Кәрбәла Арашдырмалары вә Тәдгигат Мәркәзи” иди. Бу Мәркәз бу ҝүнә кими Әлламә Ваһид Беһбәһани вә “Даһи Фәгиһ вә Мүһәддис Ибн Фәһәд Һиллинин шәрәфинә ики конгрес тәшкил етмишдир.
Үчүнҹү конгресин орижинал дилдә ады "Кәрбәла алимләринин ирсини дирчәлтмәк үчүн Үчүнҹү Бејнәлхалг Конфранс; Шејх Мәһәммәд Тәги Ширазинин - Дүшүнҹә вә Рәһбәрлији"дир. Шираз Университети исә бу конгресин тәшкилиндә Имам Һүсејнин (әлејһи сәлам) мүгәддәс һәрәминин Арашдырма Мәркәзи илә әмәкдашлыг етмишдир.
АБНА Хәбәр Аҝентлији Ирага мүхбирләр ҝөндәрмәклә, ексклүзив шәкилдә бу конгресдән әтрафлы хәбәрләр вә шәкилләр һазырлајыб дәрҹ едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!