Модератор.аз-а ачыгламасында Әрәстун Оруҹлу дејиб:
“Шуша-Ханкәнди јолундакы мәлум аксија илә бағлы Русија президенти Путинин сусмасы вә үмумијјәтлә, Русија һөкумәтинин өзүнү һеч нә баш вермәмиш кими апармасы, һәмчинин сүлһмәрамлыларын команданы А.Волковун үзә чыхмамасы, әлбәттә, чохлу суаллар доғурур. Суаллардан бири илк нөвбәдә ондан ибарәдтир ки, Русија баш верәнләрлә бағлы нәсә бир план гурубму, гурурму вә јахуд белә бир план олубму?”- Әрәстун Оруҹлу дејиб.
Експертә ҝөрә Москванын өнҹәдән бу аксијанын кечирилмәсиндән хәбәри олмаја билмәзмиш: “Русијанын давранышы да буну ҝөстәрир. Һәр бир һалда Русија өзүнү чох сакит апарыр. Кремлин сүкутундан белә чыхыр ки, аксија јалныз гисмән Азәрбајҹанын марағыны тәмин етмир, елә Русијанын да марағындадыр. Чүнки бу ҝүн Азәрбајҹан тәрәфинин иддиа етдији кими, Русија һәрбчиләри тәрәфиндән Ханкәнди-Шуша-Лачын јолунун кәсилмәси бу һадисәнин әтрафында һәм Ермәнистан, һәм дә бәзи дүнја өлкә вә тәшкилатлары тәрәфиндән чохсајлы етиразлар вә һај-күј јарадыр. Вә артыг бу, бејнәлхалг медиада да өзүнү ҝөстәрмәкдәдир. Бу бахымдан, тәәссүфлә демәлијәм ки, просесләрин белә давам етмәси бизим хејримизә дејил.”
Експерт бу иддиасыны сонра белә шәрһ едиб: “ Артыг Ермәнистан Азәрбајҹаны јенидән Гарабағы блокадаја алан, динҹ инсанлара, хәстәләрә, ушаглара тәһдид јарадан вә с. анти-бәшәри һәрәкәтләр едән тәрәф кими тәгдим етмәјә чалышыр. Вә ҝөрүнүр, Русија да Азәрбајҹан әтрафында мәһз белә бир мүһитин, белә бир имиҹин формалашмасыны ҝөзләјир ки, бундан сонра һәрәкәтә кечсин. Әслиндә бунунла Русија өзүнү Азәрбајҹанын шәрики кими тәгдим етмәјә чалышыр. Она ҝөрә дә Путин һәләлик буна сусур, ҝенерал Волков үзә чыхмыр. Вә бунунла белә бир ҝөрүнтү јаратмаға чалышырлар ки, ҝуја Азәрбајҹан Русијанын сифаришини јеринә јетирир.”
Әрәстун оруҹлуја ҝөрә бунун чох ҹидди мәнфи нәтиҹәләри олаҹаг. “ Бу, мәсәләнин чох ҹидди мәнфи тәрәфидир. Чүнки ермәниләрә јетәринҹә симпатија олан бејнәлхалг иҹтимаи рәји бизә гаршы көкләјир. Бу сәбәбләрдән белә нәтиҹәјә ҝәлирәм ки, Кремл мәһз мәгсәдли шәкилдә Азәрбајҹанын артыг 5-ҹи ҝүндүр ки, кечирдији аксијаја сусгунлуг нүмајиш етдирир. “- Әрәстун Оруҹлу дејиб.
342/